Medchal: ఆస్తి కోసం భర్తను గొలుసులతో కట్టేసింది
Medchal: మేడ్చ‌ల్‌లో దారుణం చోటుచేసుకుంది. ఆస్తి కోసం భార్య క‌ట్టుకున్న భర్తను చిత్ర‌హింస‌ల‌కు గురిచేసింది. అత‌ని కాళ్లు చేతుల‌ను గొలుసులతో క‌ట్టేసి న‌ర‌కం చూపించింది. ఘట్కేసర్ మున్సిపాలిటీలోని అంబేద్కర్ నగర్‌లో నివాసం ఉండే భార్యాభర్తలు పత్తి కృష్ణ(50), భారతి (45) మధ్య రెండు ఫ్లాట్ల విషయంలో గొడవ జరిగింది.
భార్యతో పడలేని కృష్ణ సంవత్సరం క్రితం ఇల్లు వదిలి వెళ్లిపోగా, కృష్ణ ఆచూకీ తెలుసుకున్న భార్య మూడు రోజుల క్రితం పట్టుకొచ్చి గొలుసులతో కట్టి ఇంట్లో బంధించింది. విషయం తెలుసుకున్న పోలీసులు వెళ్లి కృష్ణను విముక్తి చేయగా, 3 రోజుల నుండి తనను కొడుతూ బాధలు పెట్టారని పోలీసుల ముందు ఏడ్చాడు. దాంతో పోలీసులు ఆమెను అదుపులోకి తీసుకున్నారు.
