Francis Scott Key Bridge: వంతెన‌ను ఢీకొట్టిన భార‌తీయుల ప‌డ‌వ
Francis Scott Key Bridge: అమెరికాలోని ఫ్రాన్సిస్ స్కాట్ కీ వంతెన ఒక్క‌సారిగా కుప్ప‌కూలిపోయింది. బాల్టిమోర్‌లోని ప‌టాప్స్‌కో న‌దిలో కంటైన‌ర్‌తో వెళ్తున్న ఓ పెద్ద ప‌డ‌వ వంతెన‌ను ఢీకొన‌డంతో ఈ ప్ర‌మాదం చోటుచేసుకుంది. దాంతో వంతెన‌పై ఉన్న వాహ‌నాలు, జ‌నాలు ఒక్క‌సారిగా నీటిలో ప‌డిపోయారు. కంటైన‌ర్‌తో వెళ్తున్న ప‌డ‌వ‌లో 22 మంది భార‌తీయులు ఉన్నార‌ట. వారు SOS కాల్ చేయ‌డంతో వెంట‌నే వారు ప్రాణాల‌తో బ‌య‌ట‌ప‌డ్డారు.
సింగ‌పూర్ నుంచి కంటైన‌ర్‌తో బ‌య‌లుదేరిన డాలి అనే 300 మీట‌ర్ల పొడ‌వున్న ప‌డ‌వ బాల్టిమోర్‌లోని పాటాప్‌స్కో న‌దిలో ఉన్న వంతెన స్తంభాన్ని ఢీకొట్ట‌డంతో ఈ ప్ర‌మాదం జ‌రిగింది. దాదాపు 20 మంది న‌దిలో ప‌డిపోయారు. అయితే వంతెన‌ను ఢీకొట్ట‌బోతున్న కొన్ని క్ష‌ణాల ముందే మేడే కాల్ చేయ‌డంతో ప్రాణాపాయం జ‌ర‌గ‌లేదు.
