Rohit Sharma: హార్దిక్‌తో స‌మ‌స్య‌లు.. ముంబై ఇండియ‌న్స్‌కి రోహిత్ గుడ్‌బై?
Rohit Sharma: ఎప్పుడైతే హార్దిక్ పాండ్య (Hardik pandya) ముంబై ఇండియ‌న్స్‌కు కెప్టెన్ అయ్యాడో అప్ప‌టి నుంచి టీంలో ఏదో ఒక స‌మ‌స్య వ‌స్తూనే ఉంది. ఇప్ప‌టివ‌ర‌కు ఒక్క మ్యాచ్ గెల‌వ‌ని ముంబై ఇండియ‌న్స్ (Mumbai Indians) నుంచి మాజీ కెప్టెన్ రోహిత్ శ‌ర్మ టీం నుంచి త‌ప్పుకోవాల‌ని అనుకుంటున్నాడ‌ట. ఇందుకు కార‌ణం కొంత‌కాలంగా హార్దిక్‌తో త‌న‌కు ఏర్ప‌డిన మ‌న‌స్ప‌ర్ధ‌లే అని తెలుస్తోంది.
పైగా హార్దిక్ పాండ్య.. రోహిత్ శ‌ర్మ ఫ్యాన్స్ పెడుతున్న టార్చ‌ర్ భ‌రించ‌లేక‌పోతున్నాడు. దాంతో డ్రెస్సింగ్ రూంలో ఇదే విష‌యంపై ఇద్ద‌రి మ‌ధ్య గొడ‌వ జ‌రిగిన‌ట్లు తెలుస్తోంది. దాంతో ఈ ఒక్క సీజ‌న్ ఆడేసి ఆ త‌ర్వాత ముంబై ఇండియ‌న్స్ నుంచి త‌ప్పుకోవాల‌ని రోహిత్ అనుకుంటున్న‌ట్లు తాజా రూమ‌ర్ సంచ‌ల‌నంగా మారింది. మ‌రో ప‌క్క పాండ్య కెప్టెన్సీ ప‌ట్ల కూడా రోహిత్ సంతోషంగా లేడు.
మ‌రో విష‌యం ఏంటంటే.. ముంబై ఇండియ‌న్స్ మ‌ళ్లీ రోహిత్‌నే కెప్టెన్ చేయాల‌ని అనుకుంటోంది. అయితే ఆ నిర్ణ‌యం తీసుకోవ‌డానికి ముందు హార్దిక్‌కు మ‌రో రెండు అవ‌కాశాలు ఇవ్వ‌నున్నారు. ఈ రెండు అవ‌కాశాల‌ను హార్దిక్ స‌ద్వినియోగం చేసుకోక‌పోతే మాత్రం క‌చ్చితంగా అత‌న్ను పీకి ప‌క్క‌న పెడ‌తారు. ఎందుకంటే ముంబై ఇండియ‌న్స్ యాజ‌మాన్యం క‌ఠిన నిర్ణ‌యాల‌ను తీసుకోవ‌డంలో ఏమాత్రం వెనుకాడ‌దు.
