BRS: ఏసేసారు.. బాగా ఏసేసారు…!

Hyderabad: బండ్ల గ‌ణేష్ (bandla ganesh) వేసిన ట్వీట్‌కు తెలంగాణ ప్ర‌భుత్వం (BRS) ఇచ్చిన గ‌ట్టి కౌంటర్ సోష‌ల్ మీడియా హ్యాండిల్స్‌లో వైర‌ల్ అవుతోంది. అస‌లే బండ్ల గ‌ణేష్ ఏం మాట్లాడినా అది ఒక మీమ్‌గా మారిపోతుంటుంది. ఎవ‌రు ఏ ప్ర‌శ్న‌లు అడిగినా ఆయ‌న ఇచ్చే ఆన్స‌ర్ పంచ్ పేలిపోయిన‌ట్లు ఉంటుంది. అలాంటి బండ్ల గ‌ణేష్‌కు BRS ఇచ్చిన కౌంట‌ర్ హైలైట్‌గా నిలిచింది. ఇంత‌కీ ఏం జ‌రిగిందంటే.. మూడు రోజులుగా హైద‌రాబాద్‌ను ముసురు క‌మ్మేసింది. ఆగ‌కుండా వ‌ర్షం ప‌డుతూనే ఉంది. దాంతో హైటెక్ సిటీ లాంటి బిజీ ఏరియాల్లో ట్రాఫిక్ దాదాపు రెండు, మూడు గంట‌ల పాటు నిలిచిపోయింది.

దీనిపై బండ్ల గ‌ణేష్ ట్వీట్ చేస్తూ.. ” మా కాంగ్రెస్ అధికారంలోకి వ‌చ్చాక హైద‌రాబాద్‌లో ట్రాఫిక్ అనేదే లేకుండా చేస్తాం“ అన్నారు. దీనికి BRS రిప్లై ఇస్తూ.. ” బెంగళూరులో ఉంది కాంగ్రెస్సేగా, ఏది బెంగళూరులో ట్రాఫిక్ లేకుండా చేయండి చూద్దాం“ అని కౌంటర్ ఇచ్చింది. ఈ ట్వీట్‌పై నెటిజ‌న్లు మీమ్స్ వేస్తూ తెగ న‌వ్వుకుంటున్నారు.