‘దసరా’కు టాలీవుడ్ స్టార్స్ ఫిదా

నేచురల్​ స్టార్​ నాని రా అండ్​ రస్టిక్​ యాక్షన్​తో మెప్పించిన చిత్రం దసరా. ఈ సినిమా శ్రీరామ నవమి సందర్భంగా మార్చి 30న ప్రపంచ వ్యాప్తంగా విడుదలైంది. ఐదు భాషల్లో పాన్​ ఇండియా సినిమాగా విడుదలైన దసరా మొదటి రోజు నుంచీ భారీ కలెక్షన్లను కొల్లగొడుతూ వంద కోట్ల క్లబ్​లో చేరేందుకు పరుగులు పెడుతోంది. ఓవర్సీస్​లోనూ వన్​ మిలియన్​ మార్క్​ దాటి రికార్డు క్రియేట్​ చేసింది. తెలంగాణలోని గోదావరి ఖని ప్రాంతంలోని ఓ పల్లెటూరు నేపథ్యంలో తెరకెక్కిన ఈ సినిమాలో ధరణిగా నాని అలరించగా వెన్నెలగా కీర్తి సురేష్​ ఆకట్టుకుంది. ఈ సినిమాతో శ్రీకాంత్​ ఓదెల దర్శకుడిగా పరిచయమ్యారు. ఈ సినిమా నాని అభిమానులతో పాటు ప్రేక్షకులు, నెటిజన్లు, పలువురు ప్రముఖులు కూడా బాగుందంటూ అభినందనలు కురిపిస్తున్నారు. స్టార్ హీరోలు సైతం దసరా సినిమాని పొగిడేస్తున్నారు. ఇటీవలే సూపర్​ స్టార్​ మహేష్​ బాబు ‘స్టన్నింగ్​ మూవీ’ అంటూ కామెంట్​ చేయగా, తాజాగా రెబల్ స్టార్ ప్రభాస్ దసరా సినిమాని ఓ రేంజ్ లో పొగిడేస్తూ సోషల్​ మీడియాలో పోస్ట్ చేశారు.

దసరా సినిమా రిలీజయిన రోజు నుంచి సూపర్ హిట్ టాక్ తెచ్చుకొని బ్లాక్ బస్టర్ హిట్​గా నిలిచింది. నాని కెరీర్​లోనే ఫస్ట్​ డే అత్యధిక వసూళ్లు సాధించిన సినిమాగా రికార్డు సృష్టించింది. నాని ఫుల్ మాస్ రోల్ లో కనిపించడం, సినిమా సాంగ్స్ బాగుండటం, ముందు నుంచి సినిమా పై హైప్ ఉండటం, అదిరిపోయిన సినిమా క్లైమాక్స్.. ఇవన్నీ సినిమాకి ప్లస్ అయ్యాయి. మూడు రోజుల్లో ఏకంగా 70 కోట్ల కలెక్షన్స్ సాధించి దసరా సినిమా హౌస్​ఫుల్​ షోస్​తో దూసుకుపోతుంది. నాని కెరీర్ లోనే హైయెస్ట్ ఓపెనింగ్స్, హైయెస్ట్ కలెక్షన్స్ సినిమాగా దసరా నిలిచింది. దసరా సూపర్ సక్సెస్ పై నానితో పాటు చిత్రయూనిట్ అంతా ఫుల్ జోష్ లో ఉన్నారు. నాని యాక్షన్​ ఓ రేంజ్​లో ఉందంటూ సినీ ప్రముఖులు కూడా ప్రశంసలు కురిపిస్తున్నారు. ఇటీవలే మహేష్​ దసరా బాగుందంటూ నానికి శుభాకాంక్షలు తెలిపారు. కాగా, తాజాగా దసరా సినిమా చూసిన ప్రభాస్ తన ఇన్‌స్టాగ్రామ్ స్టోరీలో దసరా పోస్టర్ ని షేర్ ‘ఇప్పుడే దసరా సినిమా చూశాను. సినిమా చాలా బాగుంది. నాకు బాగా నచ్చింది. ఈ సినిమా చేసినందుకు నానికి నా అభినందనలు. నాని, డైరెక్టర్ శ్రీకాంత్ ఓదెల, కీర్తి సురేష్, మిగిలిన టీం అంతా బాగా వర్క్ చేశారు. మనం ఇలాంటి సినిమాలు ఇంకా చాలా చేయాలి’అని రాసుకొచ్చారు. దీంతో ప్రభాస్ పోస్ట్ వైరల్ గా మారింది. బాహుబలితో పాన్​ ఇండియా స్టార్​గా ఎదిగిన ప్రభాస్​ ప్రస్తుతం సలార్​ సినిమా షూటింగ్​తో బిజీగా ఉన్నారు. ఈ సినిమా సెప్టెంబర్​లో ప్రేక్షకుల ముందుకు రానుంది.