Ustaad Bhagat Singh : లీకైన పవన్ లుక్.. ఫొటో వైరల్!
పవర్ స్టార్ పవన్ కల్యాణ్ వరుసగా సినిమాలను లైన్లో పెట్టిన సంగతి తెలిసిందే. తాజాగా సముద్రఖని దర్శకత్వంలో రూపొందుతున్న వినోదయా సిత్తం రీమేక్ షూటింగ్ పూర్తి చేసుకున్న పవన్ ఇటీవలే ఉస్తాద్ భగత్ సింగ్ సెట్లోకి అడుగు పెట్టారు. డైరెక్టర్ హరీష్ శంకర్ ఈ సినిమాని రూపొందిస్తున్నారు. గతంలో వీరిద్దరి కలయికలో వచ్చిన గబ్బర్ సింగ్ ఇండస్ట్రీ హిట్టుగా నిలవడంతో ఈ కాంబినేషన్పై భారీ అంచనాలే ఉన్నాయి. ఏప్రిల్ 5 నుంచి రెగ్యులర్ షూటింగ్తో శరవేగంగా చిత్రీకరణ జరుగుతున్నట్లు సమాచారం. పవన్ ఈ సినిమాకి 50 రోజులు కాల్ షీట్లు ఇచ్చినట్లు తెలుస్తుంది. కాగా ఈ మూవీ సెట్స్ నుంచి పవన్ ఫోటో ఒకటి లీకైంది. ప్రస్తుతం ఈ ఫొటో నెట్టింట వైరల్గా మారింది.
తెలుగు సినిమాలకు లీకుల బెడద తప్పడం లేదు. ముఖ్యంగా స్టార్ హీరోల సినిమా షూటింగ్లనుంచి తరచుగా ఫొటోలు, మేకింగ్ వీడియోలు లీకవుతున్న సంగతి తెలిసిందే. అయితే మేకర్స్ స్వయంగా వీటిని లీక్ చేస్తూ సినిమాలపై అంచనాలు పెంచే ప్రయత్నం చేస్తున్నారనే వాదన కూడా ఉంది. ఇక ఇదే తరహాలో తాజాగా ఉస్తాద్ భగత్ సింగ్ నుంచి కూడా పవన్ కల్యాణ్ లుక్ లీకైంది. ఈ ఫొటోలో పవన్ లైట్ గడ్డంతో లుంగీ కట్టులో కనిపిస్తున్నాడు. ఈ లుక్స్ చుసిన పవన్ అభిమానులు.. మాస్ అంటూ కామెంట్స్ చేస్తున్నారు. ప్రస్తుతం ఈ ఫోటో సోషల్ మీడియాలో వైరల్ అవుతోంది. మైత్రీ మూవీ మేకర్స్ నిర్మిస్తున్న ఈ సినిమాలో హీరోయిన్ ఎవరనే విషయం పై ఇంకా క్లారిటీ రాలేదు. ధమాకా బ్యూటీ శ్రీలీల ఒక హీరోయిన్గా నటిస్తోందని వార్తలు వచ్చినా, మేకర్స్ నుంచి ఎటువంటి అధికారిక ప్రకటన లేదు. ఈ సినిమాకీ దేవీశ్రీ ప్రసాద్ సంగీతం అందిస్తున్నారు.
పవన్ మే నెల చివరి నాటికి ఉస్తాద్ షూటింగ్ పూర్తి చేసి హరి హర వీరమల్లు షూటింగ్ లో జాయిన్ అవ్వడానికి ప్లాన్ చేశారట. పీరియాడిక్ యాక్షన్ డ్రామాగా వస్తున్న ఈ సినిమాని క్రిష్ జాగర్లమూడి తెరకెక్కిస్తున్నారు. ఈ సినిమాతో పవన్ పాన్ ఇండియా మార్కెట్ లోకి కూడా అడుగు పెట్టబోతున్నారు. కాగా, సుజీత్ దర్శకత్వంలో రూపొందనున్న ఓజీ సినిమా షూటింగ్నూ తర్వలోనే ప్రారంభించనున్నారట పవన్. ఈ షూటింగ్‌ను ఓ భారీ యాక్షన్ సీక్వెన్స్‌తో స్టార్ట్ చేయబోతున్నట్లు తెలుస్తోంది. ఈ యాక్షన్ సీక్వెన్స్‌ను సుజిత్ అత్యంత ప్రతిష్టాత్మకంగా చిత్రీకరించేందుకు రెడీ అవుతున్నారట. ఈ సినిమాలో పవన్ సరికొత్త లుక్‌తో కనిపిస్తాడని టాక్. మరి నిజంగానే ఓజి సినిమాలో పవన్ యాక్షన్ సీక్వెన్స్‌తో షూటింగ్‌ను స్టార్ట్ చేస్తాడా అనేది ఆసక్తికరంగా మారింది. సినిమాలతోపాటు రాజకీయాల్లోనూ రానిస్తున్న పవన్ రాబోయే ఏపీ ఎన్నికలలోపు ఈ మూడు సినిమాలనూ పూర్తి చేసే పనిలో పడ్డారని తెలుస్తోంది.
