Ustaad Bhagat Singh: ఎడిటింగ్ షురూ!
Hyderabad: పవర్ స్టార్ పవన్ కల్యాణ్(Pawan Kalyan) దర్శకుడు హరీష్ శంకర్(Harish Shankar) కాంబినేషన్‌లో ‘ఉస్తాద్ భగత్ సింగ్’(Ustaad Bhagat Singh) సినిమా వస్తున్న సంగతి తెలిసిందే. ఈ సినిమా షూటింగ్ ఇప్పటికే ప్రారంభమైంది. ఈ సినిమాలో పవన్ కల్యాణ్ ఓ పవర్‌ఫుల్ పోలీస్ ఆఫీసర్ పాత్రలో నటిస్తుండటంతో ఈ సినిమా ఎప్పుడెప్పుడు రిలీజ్ అవుతుందా అని అభిమానులు ఆసక్తిగా ఎదురుచూస్తున్నారు. కాగా, ఈ సినిమా ఇటీవలే తొలి షెడ్యూల్ ముగించుకుంది. ఇక ఈ సినిమా నుండి ఓ అదిరిపోయే అప్డేట్ ఇచ్చేందుకు చిత్ర యూనిట్ రెడీ అవుతోంది. అయితే ఈ అప్డేట్ కోసం తాజాగా ఎడిటింగ్ వర్క్‌ను స్టార్ట్ చేసింది చిత్ర యూనిట్.
అభిమానులు ఎంతగానో ఎదురు చూస్తున్న పవన్ కల్యాణ్ ఉస్తాద్ భగత్ సింగ్ సినిమా నుంచి త్వరలోనే ఓ అదిరిపోయే అప్డేట్ ఇవ్వనున్నట్లు అధికారికంగా ప్రకటించారు మేకర్స్. త్వరలోనే బ్లాస్టింగ్ అప్డేట్ రానుందని.. అభిమానలు సిద్ధంగా ఉండాలంటూ దర్శకుడు హరీష్ శంకర్ తన సోషల్ మీడియా అకౌంట్‌లో పేర్కొన్నారు. ఉస్తాద్ భగత్ సింగ్ మూవీ నుండి త్వరలోనే సాలిడ్ అప్డేట్ రానుండటంతో ప్రేక్షకులు ఆసక్తిగా ఎదురుచూస్తున్నారు. గబ్బర్ సింగ్(Gabbar singh) లాంటి సాలిడ్ హిట్ అందుకున్న ఈ క్రేజీ కాంబోలో రానున్న సినిమాపై భారీ అంచనాలే ఉన్నాయి.
ఈ సినిమాలో శ్రీలీల(Sreeleela) హీరోయిన్‌గా నటిస్తోండగా, దేవిశ్రీ ప్రసాద్(Devi sri prasad) ఈ చిత్రానికి సంగీతాన్ని అందిస్తున్నారు. ఈ సినిమాను మైత్రీ మూవీ మేకర్స్ భారీ బడ్జెట్‌తో ప్రొడ్యూస్ చేస్తున్నారు. మరి ఆ అప్డేట్ ఏంటో, ఎప్పుడు వస్తుందనే క్లారిటీ ఎప్పుడు వస్తుందోనని ఆసక్తిగా ఎదురు చూస్తున్నారు అభిమానులు.
