Krithi Shetty: ఉప్పెన బ్యూటీపై ఫ్యాన్స్ ఫైర్!
Hyderabad: మొదటి సినిమాతోనే మంచి క్రేజ్, ఫ్యాన్ ఫాలోయింగ్ దక్కించుకున్న హీరోయిన్ కృతి శెట్టి(Krithi Shetty). ‘ఉప్పెన’ (Uppena) సినిమాతో టాలీవుడ్లోకి హీరోయిన్ గా అడుగుపెట్టిన కృతి శెట్టి(Krithi Shetty) కి యూత్ ఫాలోయింగ్ ఎక్కువ. కానీ ఎంత క్రేజ్ ఉన్నా కూడా సరైన స్క్రిప్ట్స్ ఎంచుకోకపోతే అంతే సంగతి.అందువల్ల కెరీర్ పోతుంది, కృతి శెట్టి విషయం లో కూడా జరుగుతున్నది అదే. ఉప్పెన సినిమా తర్వాత ‘శ్యామ్ సింగ రాయ్’, ‘బంగార్రాజు’ వంటి సూపర్ హిట్స్ తగిలినా కృతి కెరీర్ గాడిన పడలేదు. ఆ సినిమాల తర్వాత చేసిన చిత్రాలన్నీ ఒకదానిని మించి ఒకటి ఫ్లాప్ అవుతూ వచ్చాయి.
అదే సమయంలో టాలీవుడ్ లోకి శ్రీలీల రావడం, నిర్మాతలకు ఇప్పుడు ఈమెనే మొట్టమొదటి ఛాయస్ అవ్వడంతో, కృతి శెట్టి ని పట్టించుకోవడం మానేశారు. ప్రస్తుతం కృతి ఆశలన్నీ నాగ చైతన్య(Naga Chaithanya) తో చేసిన ‘కస్టడీ(Custody)’ పైనే ఉన్నాయి. తమిళ డైరెక్టర్ వెంకట్ ప్రభు దర్శకత్వం వహించిన ఈ సినిమా పై ఫ్యాన్స్ మరియు ఆడియన్స్ లో భారీ అంచనాలు ఉన్నాయి. అయితే తాజాగా కృతి బాలీవుడ్(Bollywood)పై ఫోకస్ పెట్టినట్లు తెలుస్తోంది. ఓ ప్రముఖ స్టార్ హీరో సినిమాలో సెకండ్ హీరోయిన్ ఛాన్స్ కూడా కొట్టేసింది.
అయితే, ఒకప్పుడు శ్యామ్ సింగ రాయ్(Shyam Singha Roy) సినిమాని హిందీ లో రీమేక్ చెయ్యాలనే ఆలోచనతో బాలీవుడ్ మేకర్ కృతి శెట్టి ని కలవగా ఆమె నటించడానికి ఒప్పుకోలేదని, తెలుగు సినిమా మీదనే తన పూర్తి ఫోకస్ అని, ఒక ఇంటర్వ్యూ లో చెప్పుకొచ్చింది.అలాంటిది ఇప్పుడు బాలీవుడ్ లో ఏకంగా సెకండ్ హీరోయిన్ రోల్ చెయ్యడానికి అంగీకరించడం తో ఫ్యాన్స్ మండిపడుతున్నారు. అవకాశాలు లేకపోతే ఇచ్చిన మాట తప్పుతావా? అంటూ మండి పడుతున్నారు.
