What the Fish: ఏదో గ‌ట్టిగానే ప్లాన్ చేసిన మంచు మనోజ్!
Hyderabad: పలు సినిమాలతో ప్రేక్షకులను అలరించిన టాలీవుడ్ హీరో మంచు మనోజ్(Manchu Manoj) కొన్నాళ్లుగా సినిమాలకు దూరంగా ఉంటున్న సంగతి తెలిసిందే. నేడు(మే 20) పుట్టిన రోజు సందర్భంగా మళ్లీ సినిమాల్లోకి వస్తున్నట్లు హింట్ ఇచ్చారు. పుట్టినరోజు కానుకగా కొత్త సినిమా అప్డేట్ ఇచ్చారు. ఈ సందర్భంగా అభిమానులు, ప్రముఖులు మనోజ్కు పుట్టినరోజు శుభాకాంక్షలతోపాటు మళ్లీ సినిమాల్లోకి రీ ఎంట్రీ ఇస్తున్నందుకు అభినందనలు తెలుపుతున్నారు.
మనోజ్ పుట్టిన రోజు సందర్భంగా వాట్ ది ఫిష్(What the Fish) స్పెషల్ పోస్టర్ రిలీజ్ చేశారు. ఈ పోస్టర్లో మనోజ్ సీరియస్ లుక్లో కనిపిస్తున్నారు. విశాల్ బెజవాడ, సూర్య బెజవాడ సంయుక్తంగా నిర్మిస్తున్న ఈ సినిమా గురించిన పూర్తి విషయాలు త్వరలోనే ప్రకటించనున్నారు మేకర్స్. మనోజ్ బర్త్డే సందర్భంగా మరో ప్రాజెక్ట్ అప్డేట్ కూడా ఇచ్చారు. ఎల్ ఎస్ ప్రొడక్షన్స్‌ మీద శ్రీమతి మమత సమర్పణలో ప్రొడక్షన్ నెం.3(Production No.3)గా ఈ సినిమా రాబోతోంది. ఎం శ్రీనివాసులు, డి వేణు గోపాల్, ఎం మమత, ముల్లపూడి రాజేశ్వరి సంయుక్తంగా భారీ బడ్జెట్‌తో ఈ సినిమాను నిర్మిస్తున్నారు. భాస్కర్ బంటుపల్లి ఈ సినిమాకు దర్శకుడిగా వ్యవహరిస్తున్నారు. పూర్తి వివరాలను త్వరలోనే ప్రకటించనున్నారు మేకర్స్.
