Adipurush: ప్చ్.. ఫ్యాన్స్‌కి నిరాశే..!
Hyderabad: పాన్ ఇండియా స్టార్ ప్రభాస్ నటించిన మైథలాజికల్ మూవీ ఆదిపురుష్(Adipurush). ప్రముఖ ఇతిహాసం రామాయణం(Ramayanam) ఆధారంగా తెరకెక్కిన ఈ సినిమాని బాలీవుడ్ డైరెక్టర్ ఓం రౌత్(Om Raut) రూపొందించారు. ఈ సినిమాలో ప్రభాస్ రాముడిగా కనిపిస్తుండగా బాలీవుడ్ బ్యూటీ కృతి సనన్(Kriti Sanon) సీతగా కనిపించనుంది. ఇక రావణుడిగా సైఫ్ అలీఖాన్(Saif Ali khan) నటించారు. అనేక వివాదాలు, విమర్శల మధ్య రూపొందిన ఈ సినిమాని జూన్ 16న ప్రపంచ వ్యాప్తంగా విడుదల చేసేందుకు సిద్ధమయ్యారు మేకర్స్. కాగా విడుదలకు ముందే ఈ సినిమా ప్రపంచ వేదికపై ఈ సినిమా ప్రదర్శించే అరుదైన అవకాశం దక్కింది. కానీ కొన్ని కారణాల వల్ల ఆ షోని రద్దు చేయనున్నట్లు ప్రకటించారు మేకర్స్.
జూన్ 13, 15, 17 తేదీల్లో ఆదిపురుష్ ప్రీమియర్ను ట్రైబెకా ఫిలిం ఫెస్టివల్(Tribeca Film Festival)లో ప్రదర్శించే అరుదైన గౌరవం దక్కించుకుంది ఆదిపురుష్. కానీ జూన్ 13 నాటికి ఆదిపురుష్ సెన్సార్ కార్యక్రమాలు పూర్తి కాకపోవడంతో ఆ షోని రద్దు చేయనున్నారు. అంతేకాదు విడుదలకు ముందే ఫిలిం ఫెస్టివల్లో ప్రదర్శించడం వల్ల నెగెటివ్ టాక్, లీక్ల వల్ల సినిమా ఫలితం మారే అవకాశం కూడా ఉంది. అందువల్ల ట్రైబెకా ఫిలిం ఫెస్టివల్లో మొదటి షోను రద్దు చేశారు మేకర్స్. ఇక ఈ సినిమా మరో నెల రోజుల్లో రానున్న సందర్భంగా మే 16న స్పెషల్ పోస్టర్ని విడుదల చేసింది చిత్రబృందం. రాముడిగా ప్రభాస్ ఎలా మెప్పించనున్నాడో తెలుసు కోవాలంటే మరో నెల రోజులు ఆగక తప్పదు.
