MSK Prasad: హార్దిక్‌ని మించిన ఆల్ రౌండ‌ర్ ఈ దేశంలో ఉన్నాడా?

MSK Prasad: మాజీ BCCI సెలెక్ట‌ర్ అయిన ఎంఎస్కే ప్ర‌సాద్ హార్దిక్ పాండ్య‌పై ప్ర‌శంస‌ల జ‌ల్లులు కురిపించారు. ముంబై ఇండియ‌న్స్ కెప్టెన్‌గా బాధ్య‌త‌లు తీసుకున్న హార్దిక్ పాండ్య (Hardik Pandya) ఈసారి ఐపీఎల్‌లో వ‌ర‌స్ట్ ఫేజ్‌ని ఎదుర్కొంటున్నాడు. అత‌ని ఆట‌తీరు ఏమాత్రం బాలేదు. అయిన‌ప్ప‌టికీ త్వ‌ర‌లో జ‌ర‌గ‌నున్న టీ20 వ‌ర‌ల్డ్ క‌ప్ మ్యాచ్‌లో హార్దిక్ పాండ్య‌ను వైస్ కెప్టెన్‌గా ఎంపిక‌చేసారు. ఈ నిర్ణ‌యంపై చాలా మంది ఆశ్చ‌ర్య‌పోయారు. కానీ ఎంఎస్కే ప్ర‌సాద్ మాత్రం BCCI తీసుకున్న నిర్ణ‌యం 100 శాతం క‌రెక్ట్ అని అంటున్నారు. రోహిత్ శ‌ర్మ లేన‌ప్పుడు హార్దిక్ శ‌ర్మ‌నే కెప్టెన్సీ బాధ్య‌త‌లు తీసుకునేవాడ‌ని.. అలాంటి వ్య‌క్తికి వైఎస్ కెప్టెన్సీ ఇవ్వ‌డంలో ఎలాంటి త‌ప్పు లేద‌ని తెలిపారు. ఈ దేశంలో హార్దిక్ పాండ్య కాకుండా ఫాస్ట్ బౌలింగ్ ఆల్ రౌండ‌ర్ ఇంకెవ‌రైనా ఉన్నారా అంటూ పాండ్య‌ను ఆకాశానికెత్తేసారు ప్రసాద్.