Rohit Sharma: SRHలోకి రోహిత్.. కెప్టెన్సీ బాధ్య‌త‌లు ఇవ్వ‌నున్న కావ్య మార‌న్
Rohit Sharma: ముంబై ఇండియ‌న్స్ (Mumbai Indians) కెప్టెన్సీని కోల్పోయిన రోహిత్ శ‌ర్మ‌కు (Rohit Sharma) స‌న్ రైజ‌ర్స్ హైద‌రాబాద్ (Sunrisers Hyderabad) య‌జ‌మాని కావ్య మార‌న్ (Kavya Maran) త‌న టీంలోకి ఆహ్వానించ‌నున్నారా? అవున‌నే అంటున్నాయి IPL వ‌ర్గాలు. రోహిత్ శ‌ర్మ‌ను స‌న్‌రైజ‌ర్స్‌లోకి తీసుకుని కెప్టెన్సీ బాధ్య‌త‌లు అప్ప‌గించాల‌ని కావ్య అనుకుంటున్నార‌ట.
ఇందుకోసం కావ్య రోహిత్‌కు బ్లాంక్ చెక్‌ను కూడా ఇవ్వ‌డానికి వెనుకాడ‌టంలేద‌ట. 2025 నాటికి రోహిత్ శ‌ర్మ ముంబై ఇండియ‌న్స్ వ‌దిలేస్తార‌ని తెలుస్తోంది. కావ్య రోహిత్‌కు కెప్టెన్సీ బాధ్య‌త‌ల‌ను ఇచ్చి దాదాపు ఐదేళ్ల పాటు కొన‌సాగేలా కాంట్రాక్ట్ కూడా తీసుకోనున్న‌ట్లు విశ్వ‌స‌నీయ వ‌ర్గాల స‌మాచారం.
ఎప్పుడైతే రోహిత్ శ‌ర్మ‌ను ముంబై ఇండియ‌న్స్ కెప్టెన్‌గా తీసేసి ఆ బాధ్య‌త‌ల‌ను హార్దిక్ పాండ్య‌కు (Hardik Pandya) ఇచ్చారో అప్ప‌టి నుంచి ముంబై ఇండియ‌న్స్ ఒక్క మ్యాచ్ కూడా గెల‌వ‌లేక‌పోతోంది. మ్యాచ్ గెల‌వ‌లేక‌పోతే హార్దిక్ పాండ్య మాత్రం అనే సందేహం మీకు రావ‌చ్చు. కానీ ఐపీఎల్ అనేదే ఒక బిజినెస్. ఇక్క‌డ బాగా ఆడేవారికే విలువ ఇస్తారు. హార్దిక్ బాగా ఆడుతూ మిగ‌తా టీం స‌రిగ్గా ఆట‌తీరు ప్ర‌ద‌ర్శించ‌క‌పోయినా హార్దిక్ కెప్టెన్సీ బాలేద‌నే అంటారు.
పైగా టీంలో ఇప్ప‌టికీ హార్దిక్‌ను కెప్టెన్‌గా చాలా మంది ఆట‌గాళ్లు ఒప్పుకోలేక‌పోతున్నార‌ని టాక్ ఉంది. ఇదే విష‌యంలో రోహిత్‌కి హార్దిక్‌కి గొడ‌వ జ‌రిగింద‌ని.. దాంతో త‌న‌కు విలువ లేని చోట ఉండ‌కూడ‌ద‌ని నిర్ణ‌యించుకున్న రోహిత్ టీంను వ‌దిలి వేరే టీంలోకి వెళ్లే అవకాశం ఉంద‌ని తెలుస్తోంది. ఇప్పుడు ఆట మ‌ధ్య‌లో వ‌దిలేసే అవకాశం లేదు కాబ‌ట్టి 2025 ఐపీఎల్‌లో రోహిత్ వేరే టీంలోకి జంప్ అయిపోతారు.
