Wasim Jaffer: “ధోనీ ఐపీఎల్ మొత్తం వదిలేయాల్సింది”
Wasim Jaffer: మ‌హేంద్ర సింగ్ ధోనీ చెన్నై సూప‌ర్ కింగ్స్ (Chennai Super Kings) కెప్టెన్‌గా త‌ప్పుకున్న సంగ‌తి తెలిసిందే. అత‌ని స్థానంలో రుతురాజ్ గైక్వాడ్‌ను (Ruturaj Gaikwad) ఎంపిక‌చేసారు. అయితే ధోనీ పూర్తిగా IPLను వ‌దిలేయాల్సింద‌ని షాకింగ్ కామెంట్స్ చేసారు మాజీ క్రికెట‌ర్ వాసిం జాఫ‌ర్.
“” ధోనీ కెప్టెన్సీ మాత్రమే వ‌దిలేస్తే ఏం లాభం? మొత్తం ఐపీఎల్‌ను వ‌దిలేసి ఉంటే బాగుండేది. ధోనీ టీంలో ఉండ‌గా ఇంకో కెప్టెన్ ఉంటే ఆ కెప్టెన్‌కు ఎప్పుడూ ఒత్తిడే ఉంటుంది. ధోనీ చేసింది మంచి ప‌ని కాదు అని నాకు అనిపిస్తోంది. ఎందుకంటే మ్యాచ్ స‌మ‌యంలో నిర్ణ‌యం తీసుకునే ప్ర‌క్రియ‌లో ఒక‌వేళ రుతురాజ్ తీసుకునే నిర్ణ‌యం ధోనీకి న‌చ్చ‌క‌పోయినా కూడా అత‌ను ప‌ట్టించుకోకూడ‌దు. అలాకాకుండా ధోనీకి ఫ‌లానా నిర్ణ‌యం న‌చ్చ‌క‌పోతే ఆ నిర్ణ‌యాన్ని మార్చ‌డం వంటివి చేస్తే కెప్టెన్‌కు వ్యాల్యూ ఉండ‌దు“” అని జాఫ‌ర్ అభిప్రాయ‌ప‌డ్డారు.
