US Mass Shooter: 22 మందిని చంపిన రాక్ష‌సుడు చ‌చ్చాడు..!
అమెరికాలో ఇటీవ‌ల కాల్పుల‌కు పాల్ప‌డి 22 మంది ప్రాణాల‌ను బ‌లితీసుకున్న నేర‌గాడు (us mass shooter) చ‌నిపోయాడు. రాబ‌ర్ట్ కార్డ్ (robert card) అనే ఈ నిందితుడు మూడు రోజుల క్రితం అమెరికాలోని మెయిన్ ప్రాంతంలో విచ‌క్ష‌ణార‌హితంగా కాల్పుల‌కు పాల్ప‌డ్డాడు. ఈ కాల్పుల్లో 22 మంది మృత్యువాత‌ప‌డ్డారు. దాంతో అమెరికా ఒక్క‌సారిగా ద‌ద్ద‌రిల్లింది. ఎప్పుడు ఎక్క‌డి నుంచి వ‌చ్చి దాడి చేస్తారో అని ప్ర‌జ‌లు ప్రాణాల‌ను అర‌చేతుల్లో పెట్టుకుని బ‌తుకున్నారు. ఇత‌ని కోసం పోలీసులు గాలింపులు చేప‌డుతుండ‌గా నిన్న రాత్రి 7:45 గంట‌ల ప్రాంతంలో దొరికిన‌ట్లు పోలీసులు తెలిపారు. అత‌ని మృత‌దేహాన్ని చూస్తే త‌నంత‌ట తానే కాల్చుకుని చ‌నిపోయిన‌ట్లు తెలుస్తోంద‌ని అన్నారు.
