Pakistan: ఆడ‌పిల్ల శ‌వాల‌ను రేప్ చేయ‌కుండా..!
Pakistan: పాకిస్థాన్‌(pakistan)లో షాకింగ్ సంఘ‌ట‌న జ‌రిగింది. ఆడ‌పిల్ల‌ల స‌మాధుల‌కు తాళాలు వేస్తున్నార‌ట. ఆర్థికంగా చ‌తికిల‌ప‌డిపోయిన దాయాది దేశంలో నెక్రోఫిలియా(necrophilia) కేసులు ఎక్కువ అవుతున్నాయని స్థానికులు ఆవేద‌న వ్య‌క్తం చేస్తున్నారు. నెక్రోఫిలియా అంటే శ‌వాలతో సెక్స్ చేయడం. ఈ ఘ‌ట‌న‌లు పాక్‌లో ఎక్కువ‌గా జ‌రుగుతున్నాయ‌ట. దాంతో త‌మ కుటుంబంలోని ఆడ‌వారు చ‌నిపోతే వారి స‌మాధుల‌ను ఎవ్వ‌రూ త‌వ్వ‌కుండా చుట్టూ గ్రిల్స్ పెట్టి లాక్ వేసేస్తున్నార‌ట. ఆ దేశంలో ప్ర‌తి రెండు గంట‌ల‌కు ఓ ఆడ‌పిల్ల‌పై అత్యాచారం జ‌రుగుతోంద‌ని నివేదిక‌లు చెబుతున్నాయి. అయితే ఆర్థిక అవ‌స్థ‌ల‌తో స‌త‌మ‌త‌మ‌వుతున్న నేప‌థ్యంలో ఈ నెక్రోఫిలియా కేసుల‌ను అడ్డుకునేందుకు పోలీసులు, సాధారణ ప్ర‌జ‌లు ఏమీచేయ‌లేని ప‌రిస్థితి నెల‌కొంది. చేసేదేమీ లేక క‌నీసం ఇలా స‌మాధుల చుట్టూ గ్రిల్స్ పెట్టి త‌మ ఆడ‌కూతుళ్ల‌ను కాపాడుకోవాల్సిన ప‌రిస్థితి ఏర్ప‌డింది. 2011లో క‌రాచీకి చెందిన ఓ కామాంధుడు శ్మ‌శాన‌వాటిలో ప‌నిచేస్తూ.. అక్క‌డికి వ‌చ్చే శ‌వాల‌ను స‌మాధుల్లో పూడ్చిన త‌ర్వాత వాటిని బ‌య‌టికి తీసి రేప్ చేసేవాడ‌ట. అలా అత‌ను 48 శ‌వాల‌పై అత్యాచారాలు చేసిన‌ట్లు కేసు కూడా న‌మోదైంది. పాకిస్థాన్‌లోని 40% ఆడ‌వారు త‌మ జీవితంలో ఒక్కసారైనా లైంగిక వేధింపుల‌ను ఎదుర్కొంటున్న‌ట్లు స‌ర్వేలో వెల్ల‌డైంది.
