Viral News: 5 కోట్ల లాట‌రీ గెలుచుకున్న పిజ్జా డెలివ‌రీ డ్రైవ‌ర్!

Viral News: ల‌క్ అంటే ఇలా ఉండాలి. పిజ్జాలు డెలివ‌రీ చేసే వ్య‌క్తికి ఏకంగా రూ.5 కోట్ల లాట‌రీ త‌గిలింది. ఈ ఘ‌ట‌న బ్రిట‌న్‌లో చోటుచేసుకుంది. బ్రిట‌న్‌కు చెందిన మ‌రియ‌స్ అనే 28 ఏళ్ల కుర్రాడు పిజ్జా డెలివ‌ర్ చేస్తూ డ‌బ్బులు సంపాదించుకుంటున్నాడు. ఇత‌ను బెస్ట్ ఆఫ్ ది బెస్ట్ అనే సంస్థ ద్వారా లాట‌రీ టికెట్ కొన్నాడు. ల‌క్కీగా లాట‌రీ ఇత‌నికే త‌గిలింది. ఇత‌ను గెలుచుకున్న లాట‌రీ 500,000 పౌండ్స్. అంటే మ‌న క‌రెన్సీలో రూ.5 కోట్లు.

ఇత‌ను గెలుచుకున్న లాట‌రీ ఇత‌ను సంవ‌త్స‌రానికి సంపాదిస్తున్న దానికి 200 రెట్లు ఎక్కువ‌. దాంతో మారియ‌స్ ఆనందానికి అవ‌ధుల్లేవ్. వ‌చ్చిన డ‌బ్బుతో ఓ ఇల్లు తీసుకుని.. ఎప్ప‌టినుంచో త‌న సొంత ప్ర‌దేశ‌మైన ర‌ష్యా వెళ్లాల‌నుకుంటున్నాన‌ని అన్నాడు. అయితే లాట‌రీ వ‌చ్చినంత మాత్రాన తాను ఉద్యోగం చేయ‌డం మాన‌నని.. పిజ్జా డ్రైవ‌ర్‌గానే ప‌నిచేస్తాన‌ని అన్నాడు. లాట‌రీ గెలుచుకున్న రోజు కూడా పిజ్జా డెలివ‌ర్ చేసేందుకు వెళ్లాడు.

ALSO READ: లాట‌రీలో ఒకేసారి రూ.14 వేల కోట్లు..!