Cage Fight క్యాన్సిల్ అన్న మార్క్.. కోడితో పోల్చిన మ‌స్క్
Hyderabad: టెక్నాల‌జీ రంగంలోనే స‌మ‌వుజ్జీలైన ఎలాన్ మ‌స్క్ (elon musk), మార్క్ జుక‌ర్‌బ‌ర్గ్ (mark zuckerberg) మ‌ధ్య కేజ్ ఫైట్ (cage fight) క్యాన్సిల్ అయింది. నిజంగా కేజ్ ఫైట్ ప‌ట్ల సీరియ‌స్‌నెస్ ఉండేవారితోనే తాను ఫైట్ చేస్తాన‌ని, ఇలా సర్జరీ ఉంద‌ని ప్రాక్టీస్ చేయాల‌ని సాకులు చెప్పేవారితో చేయ‌న‌ని జుక‌ర్‌బ‌ర్గ్ ఫేస్‌బుక్ ద్వారా వెల్ల‌డించారు.
“” ఎలాన్ మ‌స్క్ ఈ ఫైట్ విష‌యంలో సీరియ‌స్‌గా లేడ‌ని మ‌న‌కు క్లియ‌ర్‌గా తెలుస్తోంది. ఇక ఈ ఫైట్ గురించి మాట్లాడుకోవ‌డంలో అర్థంలేదు. ఈ ఫైట్‌ను నేను క్యాన్సిల్ చేయాల‌ని అనుకుంటున్నాను. ఈ కాంపిటీషన్‌లో వచ్చే డబ్బు మొత్తం ఛారిటీకి డొనేట్ చేయాల‌ని స్పాన్స‌ర‌ర్ డానా వైట్ అనుకున్నారు. కానీ ఎలాన్ మాత్రం ఒక డేట్ ఫిక్స్ చేయ‌డంలేదు. పైగా మెడ‌కు ఏదో సర్జరీ చేయించుకోవాలి అంటున్నాడు. పైగా నా ఇంటి వెనుక గార్డెన్‌లో ప్రాక్టీస్ చేసుకో అని అంటున్నాడు. దీనిని బ‌ట్టి చూస్తే ఎలాన్ సీరియ‌స్‌గా లేడ‌నే తెలుస్తోంది. నేను సీరియ‌స్‌గా తీసుకునేవారితోనే ఫైట్ చేస్తాను. ఒక‌వేళ నిజంగా కేజ్ ఫైట్ చేయాల‌నుకుంటే.. ఎలాన్‌కి న‌న్ను ఎలా సంప్ర‌దించాలో తెలుసు. లేదంటే ఇక మూవ్ ఆన్ అవ్వాలి “” అని ఫేస్‌బుక్‌లో పోస్ట్ చేసారు. దీనికి ఎలాన్ మ‌స్క్ స్పందిస్తూ.. జుక‌ర్‌బ‌ర్గ్ ఓ కోడి అని కామెంట్ చేసాడు. (cage fight)
