క‌న్న బిడ్డ‌ను సెక్స్ బానిస‌గా మార్చి..
Viral News: క‌న్న బిడ్డ‌ను సెక్స్ బానిస‌గా మార్చిందే కాకుండా క‌నిపించ‌కుండాపోయాడ‌ని పోలీసుల‌కు ఫిర్యాదు చేసింది ఓ క‌ర్క‌శ త‌ల్లి. ఈ దారుణ ఘట‌న అమెరికాలోని టెక్సాస్‌లో చోటుచేసుకుంది. హూస్ట‌న్‌కి చెందిన జానీ అనే మ‌హిళ‌కు ఇద్ద‌రు కొడుకులు ఉండేవారు. పెద్ద కొడుకు యాక్సిడెంట్‌లో చ‌నిపోవ‌డంతో.. ఆ బాధ‌తో జానీ భ‌ర్త నాలుగేళ్ల త‌ర్వాత ఆత్మ‌హ‌త్య చేసుకుని చ‌నిపోయాడు. దాంతో జానీ త‌న చిన్న కొడుకు రూడీతో క‌లిసి ఉంటోంది.
కొడుకు అన్న ఇంగిత జ్ఞానం కూడా లేకుండా త‌న లైంగిక అవ‌స‌రాలు తీర్చుకునేందుకు ఆ అబ్బాయిని ప‌రి విధాలుగా వాడుకుంది. రూడీని ఇంట్లో నుంచి బ‌య‌టికి రానివ్వ‌కుండా చేసేందుకు నాట‌కం ఆడింది. పోలీసుల‌ను పిలిపించి త‌న కొడుకు కుక్క‌ల‌ను వాకింగ్‌కి తీసుకెళ్లాడ‌ని.. ఆ త‌ర్వాత కుక్క‌లు వ‌చ్చేసాయి కానీ రూడీ మాత్రం రాలేద‌ని పోలీసుల‌కు ఫిర్యాదు చేసింది. దాంతో పోలీసులు మిస్సింగ్ కంప్లైంట్ నమోదు చేసి కేసు ద‌ర్యాప్తు చేప‌డుతున్నారు.
దాదాపు ఎనిమిదేళ్ల త‌ర్వాత రూడీ ఓ చ‌ర్చి ద‌గ్గ‌ర ఒంటిపై గాయాల‌తో క‌నిపించాడు. వెంట‌నే పోలీసులు అత‌న్ని అదుపులోకి తీసుకుని ఏం జరిగింద‌ని విచారించగా.. తాను అస‌లు త‌ప్పిపోలేద‌ని త‌న త‌ల్లి త‌న‌ను సెక్స్ బానిస‌గా మార్చి టార్చ‌ర్ పెట్టింద‌ని క‌న్నీరుపెట్టుకున్నాడు. త‌న‌ను స్టోర్ రూంలో బంధించింద‌ని.. త‌ను చెప్పింది చేయ‌క‌పోతే తిండి పెట్ట‌కుండా కొట్టేద‌ని తెలిపాడు. అది విని పోలీసుల మ‌నసు చ‌లించింది. త‌న త‌ల్లి నుంచి రూడీ త‌ప్పించుకుని చ‌ర్చి ద‌గ్గ‌ర ప‌డుకున్నాడ‌ట. రూడీ ఫిర్యాదు మేర‌కు జానీని పోలీసులు అదుపులోకి తీసుకున్నారు.
