లైవ్లో పాటపాడి అలరించిన బాలయ్య!
Doha: నట సార్వభౌమ నందమూరి తారక రామారావు (Nandamuri Taraka Rama Rao) శత జయంతి ఉత్సవాలు ఘనంగా నిర్వహిస్తున్న విషయం తెలిసిందే. తెలుగుదేశం పార్టీ(TDP) ఆధ్వర్యంలో జరుగుతున్న ఈ ఉత్సవాలను మనదేశంతోపాటు ఇతర దేశాల్లోనూ చేస్తున్నారు. అందులో భాగంగా శుక్రవారం దోహా పట్టణంలో ఎన్టీఆర్ శత జయంతి ఉత్సవాలు ఘనంగా జరిగాయి. దీనికి ఎన్టీఆర్ (NTR) తనయుడు, నటసింహం నందమూరి బాలకృష్ణ (Nandamuri Balakrishna) కూడా హాజరయ్యారు. ఇక ఈ కార్యక్రమంలో పాటి పాడి ప్రేక్షకులను అలరించారు బాలయ్య. ఇదివరకు కూడా బాలయ్య అనేకసార్లు లైవ్లో పాటపాడిన సంగతి తెలిసిందే. కానీ ఈ వేదికపై బాలయ్య పాడిన పాటకు ప్రేక్షకుల నుంచి స్టాండింగ్ ఒవేషన్ అందుకున్నారు.
పలు వేదికలపై తన సినిమాల్లోని పాటలు పాడిన బాలయ్య ఈసారి ఎన్టీఆర్ నటించిన ‘జగదేకవీరుని కథ’ (Jagadekaveerudi Katha) సినిమా నుండి ‘శివశంకరి’ పాట పాడారు. అప్పట్లో ఈ పాట చాలా పెద్ద హిట్, ఘంటసాల పాడారు. గమకాలు, కష్టమైన స్వరాలు కలిగిన ఈ పాటను బాలయ్య అద్భుతంగా పాడటంతో అక్కడున్న ప్రేక్షకులంతా నిలబడి చప్పట్లు కొట్టారు. బాలయ్య పూరీ జగన్నాథ్(Puri Jagannath) కాంబినేషన్లో నటించిన పైసా వసూల్(Paisa vasool) సినిమాలోనూ ఓ పాట పాడిన సంగతి తెలిసిందే.
కాగా బాలయ్య ప్రస్తుతం వరుస సినిమాలను లైన్లో పెట్టారు. అనిల్ రావిపూడి(Anil Ravipudi), బాబి, బోయపాటి శ్రీనివాస్.. ఇలా టాప్ డైరెక్టర్లతో వరుస ప్రాజెక్టులతో మంచి జోరు మీదున్నారు బాలకృష్ణ. NBK108 వర్కింగ్ టైటిల్తో అనిల్ రావిపూడి దర్శకత్వంలో రూపొందుతున్న సినిమాలో కాజల్ అగర్వాల్(Kajal Aggarval) హీరోయిన్గా నటిస్తుండగా శ్రీలీల(Sreeleela) కీలకపాత్రలో కనిపించనుంది.
