Kohli: మ్యాచ్‌లో గంభీర్ కోహ్లీ గొడ‌వ..వీడియో వైర‌ల్
Bengaluru: రాయ‌ల్ ఛాలెంజ‌ర్స్ బెంగ‌ళూరు(rcb) కెప్టెన్ విరాట్ కోహ్లీ(virat kohli)కి, ల‌ఖ్‌నౌ సూప‌ర్ జైంట్స్(lsg) మెంటార్ గౌత‌మ్ గంభీర్(gautam gambhir)కి మ‌ధ్య గొడ‌వ జరిగింది. నిన్న జ‌రిగిన RCB వర్సెస్ LSG మ్యాచ్‌లో ఈ ఘ‌ట‌న చోటుచేసుకుంది. ఇందుకు కార‌ణం కొన్ని రోజుల క్రితం ఈ రెండు జ‌ట్లకు మ‌ధ్య జ‌రిగిన మ్యాచ్‌లో ఆర్సీబీ ఓడిపోయిన‌ప్పుడు ఫ్యాన్స్ దీనంగా చూస్తుంటే గంభీర్ వారి వైపు చూస్తూ నోరుమూస్కోండి అని సైగ చేయ‌డ‌మే. అది మ‌న‌సులో పెట్టుకున్న కోహ్లీ నిన్న గంభీర్‌కి కౌంట‌ర్ ఇచ్చాడు. నిన్న జ‌రిగిన మ్యాచ్‌లో ఆర్సీబీ వికెట్ తీసిన ప్ర‌తిసారీ గంభీర్‌కి కౌంట‌ర్ ఇచ్చేలా ప్ర‌వ‌ర్తించాడు. కృనాల్ పాండ్య కొట్టిన షాట్‌కు క్యాచ్ ప‌ట్ట‌గానే గంభీర్‌లా నోరుమూసుకోమ‌ని చెప్ప‌కూడ‌ద‌ని సైగ చేస్తూ ఫ్ల‌యింగ్ కిసెస్ ఇవ్వాల‌ని సైగ చేసాడు. వికెట్ తీసిన ప్ర‌తిసారీ విరాట్ ఇలాగే చేయ‌డంతో గంభీర్‌కి ఒళ్లు మండింది. దాంతో కోహ్లీతో గొడ‌వ‌పడ్డాడు. ఇద్ద‌రి మ‌ధ్య వివాదం చోటుచేసుకుంది. ఇరు టీంల క్రికెట‌ర్లు వ‌చ్చి స‌ర్దిచెప్పారు. దాంతో ఆ వీడియో కాస్తా వైర‌ల్ అవుతోంది. దాంతో కోడ్ ఆఫ్ కండ‌క్ట్‌ను అతిక్ర‌మించినందుకు బీసీసీఐ వారికి జ‌రిమానా విధించింది. కోహ్లీ 1.7 కోట్లు, గంభీర్ రూ.25 ల‌క్ష‌లు, న‌వీన్ ఉల్ హ‌క్ 1.79 ల‌క్ష‌లు చెల్లించాల్సిందిగా ఆదేశాలు జారీ చేసింది.
