Ambani: కోడలికి ప్రపంచంలోనే ఖ‌రీదైన కానుక!
Mumbai: భారతదేశ వ్యాపార దిగ్గజం ముఖేష్ అంబానీ(Mukesh Ambani) ఏం చేసినా అట్టహాసంగానే ఉంటుంది. వారింట జరిగే ప్రతి వేడుకకి పెట్టే ఖర్చు వార్తల్లో నిలుస్తుంది. ఇషా అంబానీ(Isha Ambani) పెళ్లి, ఆకాశ్ అంబానీ(Akash Ambani) పెళ్లితోపాటు, ముఖేష్, నీతా అంబానీ(Nita Ambani)ల మనవడు పృథ్వీ ఆకాశ్ అంబానీ పుట్టినప్పుడు కూడా ఈ కుటుంబం వార్తల్లో నిలిచింది. ఇక తాజాగా అంబానీ కుటుంబం ముంబైలో నీతా ముఖేష్ అంబానీ కల్చరల్ సెంటర్ (NMACC)ని ప్రారంభించిన సంగతి తెలిసిందే. ఈ కార్యక్రమంలో బాలీవుడ్ సినీతారలంతా సందడి చేశారు. ఈ కార్యక్రమంలో అనంత్ అంబానీ ధరించిన 18 కోట్ల రూపాయల విలువ చేసే గడియారం వార్తల్లో నిలిచింది. కాగా, తాజాగా అంబానీ ఇంటి పెద్ద కోడలు శ్లోకా మెహతాకు(Shloka Mehta) అంబానీ ఇచ్చిన బహుమతి ధర మరోసారి సంచలనంగా మారింది.
ఆకాశ్ పెళ్లికి నీతా అంబానీ దాదాపు రూ. 500 కోట్ల విలువైన డైమండ్ నెక్లెస్‌ని తన కోడలు శ్లోకాకు పెళ్లి కానుకగా అందించారనే విషయం ప్రస్తుతం వైరల్గా మారింది. అంతేకాదు ఈ నెక్లెస్ ప్రపంచంలోనే అత్యంత విలువైన, దోష రహిత వజ్రాలతో ప్రత్యేకంగా రూపొందించినది. ఈ నెక్లెస్ను లెబనీస్ ఆభరణాల వ్యాపారి మౌవాద్ రూపొందించారు. ఈ నెక్లెస్లో అత్యంత విలువైన వజ్రంతో పాటు 91 వజ్రాలను పొదిగారు. ఈ వజ్రాల చుట్టూ సుమారు 200 క్యారెట్ల మెరిసే రాళ్లు జతచేశారు. ఇది అత్యంత ప్రత్యేకమైన డిజైన్తో రూపొందించిన నెక్లెస్ అని తెలుస్తోంది. ఈ నెక్లెస్ చ‌ర్చ నెట్టింట వైరల్గా మారింది.
