Unmukt Chand: భార‌త్‌పై ఆడాల‌నుకున్నా.. అమెరికా అవ‌కాశం ఇవ్వ‌లేదు

Unmukt Chand: 2012 ప్ర‌పంచ క‌ప్ స‌మ‌యంలో అండ‌ర్ 19 టీంకి కెప్టెన్‌గా వ్య‌వ‌హ‌రించాడు ఉన్ముక్త్ చంద్. 2021లో ఇండియ‌న్ క్రికెట్ నుంచి రిటైర్మెంట్ తీసుకుని కొత్త అవ‌కాశాల కోసం అమెరికా వెళ్లిపోయాడు. అమెరికాలో మేజ‌ర్ లీగ్ క్రికెట్ (MLC) ఇత‌ర టోర్న‌మెంట్లు ఆడ‌టంతో అమెరికా జాతీయ‌ క్రికెట్ జ‌ట్టులో ఉన్ముక్త్‌కు స్థానం ద‌క్కింది.

ఈ నేప‌థ్యంలో మొన్న జ‌రిగిన టీ20 వ‌ర‌ల్డ్ క‌ప్‌లో అమెరికా త‌ర‌ఫున భార‌త్‌పై ఆడాల‌ని ఉన్ముక్త్ ఆశ‌ప‌డ్డాడు. కానీ అమెరికా అత‌నికి టీ20 స్క్వాడ్‌లో అవ‌కాశం ఇవ్వ‌లేదు. దాంతో తాను షాక్‌కు గుర‌య్యాన‌ని బాధ‌పడ్డాడు. ఇప్పుడు ఉన్ముక్త్ మేజ‌ర్ క్రికెట్ లీగ్ సెకండ్ సీజ‌న్ త‌ర‌ఫున ఆడుతున్నాడు. ఈ లీగ్‌లో ఉన్ముక్త్ లాస్ ఏంజెల్స్ నైట్ రైడ‌ర్స్ టీం త‌ర‌ఫున ఆడుతున్నాడు. ఇది క‌ల‌క‌త్తా నైట్ రైడ‌ర్స్‌కి చెందిన టీమే.