MI vs RR: “మ‌ర్యాద‌గా ప్ర‌వ‌ర్తించండి”

MI vs RR: ఊహించిందే జరిగింది. IPL మ్యాచ్‌లు మొద‌లైన‌ప్ప‌టి నుంచి ముంబై ఇండియ‌న్స్ (Mumbai Indians) సొంత మైదానం అయిన వాంఖెడెలో ఇప్ప‌టివ‌ర‌కు ఒక్క మ్యాచ్ కూడా ఆడ‌లేదు. ఈరోజు ముంబై ఇండియ‌న్స్ వ‌ర్సెస్ రాజస్థాన్ రాయ‌ల్స్ (Rajasthan Royals) మ్యాచ్ వాంఖెడెలో జ‌రుగుతోంది. వాంఖెడెలో ముంబై ఇండియ‌న్స్ మ్యాచ్ జ‌రిగితే ఏం జ‌రుగుతుందో అంద‌రికీ తెలిసిందే.

ముంబై ఇండియ‌న్స్ కెప్టెన్స్ హార్దిక్ పాండ్య (Hardik Pandya) కావడంతో ఐపీఎల్ మొద‌లైన‌ప్ప‌టి నుంచి పాపం హార్దిక్ మామూలుగా ట్రోల్స్ ఎదుర్కోవ‌డం లేదు. ఎన్నో విమ‌ర్శ‌లు, వెక్కిరింత‌లు, అనుమానాలు భ‌రిస్తున్నాడు. మొన్న మ్యాచ్‌లో ఆ అవ‌మానాలు భ‌రించ‌లేక రెయిలింగ్‌ను చేత్తో గ‌ట్టిగా గుద్దేసాడు.

ఈరోజు జ‌రుగుతున్న మ్యాచ్‌లో సంజ‌య్ మంజ్రేక‌ర్ టాస్ వేయ‌గా.. రాజ‌స్థాన్ రాయ‌ల్స్ టాస్ గెలిచి బౌలింగ్ ఎంచుకుంది. ఆ స‌మ‌యంలో ఒక్క‌సారిగా స్టేడియంలోని వారంతా రోహిత్ రోహిత్ అని గ‌ట్టిగా కేకలు వేసారు. వారు ఎంత గ‌ట్టిగా అరిచారంటే.. సంజ‌య్ మంజ్రేక‌ర్ క‌ర్ణ‌భేరి ప‌గిలిపోయింది. దాంతో అత‌నికి ఒళ్లు మండి మ‌ర్యాద‌గా ప్ర‌వ‌ర్తించండి అని లైవ్‌లో వారిపై అర‌వ‌డం వైర‌ల్‌గా మారింది. ఈ మ్యాచ్‌లో ముంబై ఇండియ‌న్స్ గెలిస్తే ఫ‌ర్వాలేదు. అదే ఓడిపోతే మాత్రం హార్దిక్‌కు న‌ర‌కం చూపించేస్తారు.