Rohit Sharma: ఆరోజున రిటైర్ అవుతా

Rohit Sharma: టీమిండియా కెప్టెన్ రోహిత్ శ‌ర్మ త‌న రిటైర్‌మెంట్ గురించి ప్ర‌స్తావించారు. ఇంగ్లాండ్‌తో జ‌రిగిన టెస్ట్ సిరీస్‌లో గెలిచిన త‌ర్వాత రోహిత్ మీడియా వ‌ర్గాల‌తో మాట్లాడారు. తాను ఇక ఆడ‌లేను.. స‌రిగ్గా ఆడ‌లేక‌పోతున్నాను అనిపించిననాడు రిటైర్ అవుతాన‌ని తెలిపారు. ధ‌ర్మ‌శాల‌లో జ‌రిగిన మ్యాచ్‌లో 64 ప‌రుగుల‌తో రోహిత్ శ‌ర్మ బృందం విజ‌యం సాధించింది. గ‌త కొన్నేళ్లుగా తాను చాలా బాగా ఆడుతున్నాన‌ని రోహిత్ ఈ సంద‌ర్భంగా తెలిపారు.

“”” నేను మ‌రీ సంఖ్య‌ల గురించి అంత‌గా ప‌ట్టించుకోను. అఫ్‌కోర్స్ బెస్ట్ స్కోర్ చేయ‌డం చాలా ముఖ్యం. అలాగ‌ని నా టీంలోని ఆట‌గాళ్ల‌ను కంగారుపెట్ట‌ను. వారికి స్వేచ్ఛ‌నిస్తాను. మ‌న భార‌తీయ క్రికెట్‌కు ఒక సంప్ర‌దాయం ఉంది. ఆ సంప్ర‌దాయాన్ని నేను గైర‌విస్తాను. నేను మార్పును తేవాల‌నుకుంటున్నాను. క్రికెట్‌లో కేవ‌లం సంఖ్య‌ల‌ను ప‌రుగుల‌ను మాత్ర‌మే చూసే సంప్ర‌దాయాన్ని తొల‌గించాల‌ని అనుకుంటున్నాను. క్రికెట్ రంగంలో నేను తీసుకురావాల‌నుకుంటున్న మార్పు అదే “””” అని తెలిపారు హిట్ మ్యాన్