RCB గెలిస్తే.. వారికి వ‌ణుకే..!

Irfan Pathan: ప్లే ఆఫ్స్ ఆటలో రాయ‌ల్ ఛాలెంజ‌ర్స్ బెంగ‌ళూరు గెలిస్తే ఇక మిగ‌తా టీమ్స్‌కి వ‌ణుకు పుడుతుంద‌ని అన్నారు మాజీ క్రికెట‌ర్ ఇర్ఫాన్  ప‌ఠాన్. IPL మొద‌లైన స‌మ‌యంలో చాలా మ్యాచ్‌ల‌లో ఓడిపోతూ వ‌చ్చిన RCB ఆ త‌ర్వాత మెల్లిగా పుంజుకుని నాలుగో స్పాట్‌ను ద‌క్కించుకుని ప్లే ఆఫ్స్‌కి చేరుకోవాల‌ని చూస్తోంది.

ప్లే ఆఫ్స్‌కి వెళ్లాలంటే చెన్నై సూప‌ర్ కింగ్స్‌ని ఓడించాలి. సూప‌ర్ కింగ్స్‌కి ఉన్న వీక్ పాయింట్ ఏంటంటే.. వారికి మెరుగైన బౌల‌ర్స్ లేరు. దీప‌క్ చాహ‌ర్, మ‌తీషా పాతిరానా, మ‌స్తాఫిజుర్ రెహ్మాన్ టీంలో లేక‌పోవ‌డం వారికి స‌మ‌స్యే. ఈ ప్లే ఆఫ్స్ రేసులో రాయ‌ల్ ఛాలెంజ‌ర్స్ బెంగ‌ళూరుపై గెల‌వాలంటే చెన్నై సూప‌ర్ కింగ్స్ బాగా బౌలింగ్ చేయాల్సి ఉంటుంది. ఒక‌వేళ రాయ‌ల్ ఛాలెంజ‌ర్స్ బెంగ‌ళూరు చెన్నైని ఓడించి ప్లే ఆఫ్స్‌కు చేరితే మాత్రం ఇత‌ర టీమ్స్ క‌చ్చితంగా భ‌య‌ప‌డి తీర‌తాయ‌ని ఇర్ఫాన్ ప‌ఠాన్ అభిప్రాయ‌ప‌డ్డారు.