Rohit Sharma ను కారు ఎక్కించుకున్న ఆకాశ్ అంబానీ.. స‌ర్‌ప్రైజ్ ఉండ‌బోతోందా?

Rohit Sharma: ముంబై ఇండియ‌న్స్ (Mumbai Indians) మాజీ కెప్టెన్ రోహిత్ శ‌ర్మ‌ను.. టీం య‌జ‌మాని ఆకాశ్ అంబానీ (Akash Ambani) త‌న కారులో ఎక్కించుకుని రైడ్‌కి తీసుకెళ్లాడు. ముంబైలోని వాంఖెడె స్టేడియం బ‌య‌ట రోహిత్‌ను ఆకాశ్ త‌న ల‌గ్జ‌రీ కారులో పిక్ చేసుకున్నాడు. ఈరోజు రాత్రి ముంబై ఇండియ‌న్స్‌కి రాయ‌ల్ ఛాలెంజ‌ర్స్ బెంగ‌ళూరుకు (MI vs RCB) మ‌ధ్య మ్యాచ్ జ‌ర‌గ‌నుంది.

ఈ నేప‌థ్యంలో ఆకాశ్ రోహిత్‌ను పిక్ చేసుకుని వెళ్లడం పెద్ద చర్చ‌కు దారి తీసింది. ఎందుకంటే ప్ర‌స్తుతం ముంబై ఇండియ‌న్స్ టీంకు హార్దిక్ పాండ్య కెప్టెన్‌గా వ్య‌వ‌హ‌రిస్తున్నాడు. గ‌తేడాది వ‌ర‌కు ఈ టీంకు రోహిత్ శ‌ర్మ కెప్టెన్‌గా ఉండ‌ట‌మే కాదు ఐదు ఐపీఎల్ టైటిల్స్ సాధించిపెట్టాడు కూడా. అదీకాకుండా ఇప్ప‌టివ‌ర‌కు ఐపీఎల్‌లో ముంబై ఇండియ‌న్స్ ఆడిన నాలుగు ఆట‌ల్లో ఒక‌టి మాత్ర‌మే గెలిచింది. దాంతో ముంబై ఇండియ‌న్స్ యాజ‌మాన్యం కంగారుప‌డుతోంది.

అదీకాకుండా ఇన్ని ఆట‌ల్లో రోహిత్ శ‌ర్మ హాఫ్ సెంచ‌రీ కూడా చేయ‌లేక‌పోయాడు. ఈ నాలుగు మ్యాచ్‌ల‌లో రోహిత్ 118 ప‌రుగులు తీసాడు. దాంతో ఈరోజు రాయ‌ల్ ఛాలెంజ‌ర్స్ బెంగ‌ళూరుతో జ‌ర‌గ‌బోయే మ్యాచ్‌లో ఎలా ఆడాలి ఎలా పిక‌ప్ అవ్వాలి అనే అంశంపై ఆకాశ్ అంబానీ ఎంక‌రేజ్ చేసేలా నాలుగు మాట‌లు చెప్పిన‌ట్లు తెలుస్తోంది. మ‌రోప‌క్క రోహిత్‌నే మ‌ళ్లీ కెప్టెన్ చేసే అవ‌కాశాలు కూడా ఉన్నాయన్న టాక్ కూడా వినిపిస్తోంది.

Rohit Sharma With Mumbai Indians Owner Akash Ambani 🧐

Are We Going To See Any Big Surprise During Mid Season ? pic.twitter.com/E0lEStdLE1

— Vaibhav Bhola 🇮🇳 (@VibhuBhola) April 10, 2024