West Bengal: భార్య‌కు AK 47 గిఫ్ట్‌గా ఇచ్చిన TMC నేత
భార్య‌పై ఎంత ప్రేముంటే ఇలాంటి భ‌యంక‌ర‌మైన గిఫ్ట్ ఇస్తాడు చెప్పండి. వెస్ట్ బెంగాల్‌కు (west bengal) చెందిన రియాజుల్ అనే TMC నేత త‌న భార్య‌కు ఏకంగా AK 47 కానుకగా ఇచ్చాడు. వారి మొద‌టి పెళ్లి రోజు కావ‌డంతో ఈ గిఫ్ట్ ఇచ్చాడ‌ట. రియాజుల్ భార్య గ‌న్ను ప‌ట్టుకుని ఉన్న‌ప్పుడు ఫోటో తీసి సోష‌ల్ మీడియాలో పోస్ట్ చేసాడు. దాంతో లోక‌ల్ BJP నేత‌లు ఇదెక్క‌డి ఉగ్ర‌వాద చ‌ర్య అంటూ మండిపడ్డారు. దాంతో అత‌ను వెంట‌నే ఆ ఫోటో డిలీట్ చేయ‌డ‌మే కాకుండా అది నిజ‌మైన గ‌న్ను కాద‌ని బొమ్మ గ‌న్ను అని చెప్పాడు.
దొరికిందే ఛాన్స్ అన్న‌ట్లు BJP దీనిని ఇంత‌టితో వ‌ద‌ల్లేదు. అస‌లే ఎన్నిక‌లు ద‌గ్గ‌ర‌ప‌డుతున్నాయి. ఎలాగైనా TMCని తొక్కేయాల‌ని అనుకుంటున్న స‌మ‌యంలో ఇలా ఘ‌ట‌న వారికి అవ‌కాశంగా మారింది. అస‌లు రియాజుల్‌కి ఆ గ‌న్ను ఎక్క‌డి నుంచి వ‌చ్చిందో తెలుసుకోవాలని ఈ ఘ‌ట‌న‌పై స‌మ‌గ్ర విచార‌ణ జ‌ర‌పాల్సిందేన‌ని డిమాండ్ చేస్తోంది. (west bengal)
