తలైవా ఫ్యాన్స్ ఫైర్.. ట్రెండింగ్‌లో #YSRCPApologizeRajini
Hyderabad: ఇటీవల విజయవాడలో జరిగిన ఎన్టీఆర్(NTR) శతజయంతి వేడుకలకు రజినీకాంత్(Rajinikanth) హాజరైన సంగతి తెలిసిందే. రజినీకాంత్ కు చాలాకాలం నుంచీ బాలకృష్ణ(Balakrishna), ఎన్టీఆర్ తో మంచి సంబంధాలు ఉన్నాయి. చంద్రాబుతో కూడా సత్సంబంధాలు కొనసాగిస్తున్నారు రజినీ. ఈ క్రమంలో ఎన్టీఆర్ శత జయంతి వేడుక కార్యక్రమంలో రజినీకాంత్ పాల్గొని సీనియర్ ఎన్టీఆర్, చంద్రబాబు, బాలయ్యపై తన అభిమానాన్ని చాటుకున్నారు. వారితో తన అనుబంధాన్ని అభిమానులతో పంచుకున్నారు.
కాగా, గత రెండు రోజులుగా YCP నాయకులు రజినీకాంత్ పై ఫైర్ అవుతున్నారు. అసలు రజినీకాంత్ YCP గురించి కానీ, జగన్ గురించి కానీ, YCP నాయకుల గురించి కానీ ఎక్కడా మాట్లాడలేదు. ఎన్టీఆర్ వేడుకలకు వచ్చాడు కాబట్టి ఎన్టీఆర్ తో పాటలు అక్కడ స్టేజి మీద ఉన్న నాయకులని పొగిడాడు. అయితే చంద్రబాబుని పొగిడినందుకు కొడాలి నాని, రోజా, పేర్ని నాని, మధుసూదన్ రెడ్డి.. ఇలా పలువురు YCP నాయకులు రజినీకాంత్ ని దారుణంగా విమర్శిస్తున్నారు.
దీంతో రజినీకాంత్ ఫ్యాన్స్ ఫైర్ అవుతున్నారు. అసలు రజిని రేంజ్ తో పిలిస్తే ఈ ycp నాయకులు ఎవ్వరూ కూడా రజినీకి సరితూగరు, దేశ విదేశాల్లో అభిమానులను సంపాదించుకున్నారు రజిని, పేరు, ప్రఖ్యాతలు, సంపదలు అన్ని కష్టపడి సంపాదించుకున్నారు. 70 ఏళ్ళ వయసులో కూడా రెస్ట్ తీసుకోకుండా అభిమానుల కోసం సినిమాలు చేస్తున్నారు అంటూ పోస్టులు పెడుతున్నారు. అలాంటి ఒక సూపర్ స్టార్ ని ఏపీలోని నాయకులు విమర్శిస్తున్నారు అని తెలియడంతో దేశవ్యాప్తంగా ఆన్న రజిని అభిమానులు ycp నాయకులపై ఫైర్ అవుతున్నారు. వైసీపీ రజినీకాంత్ కి క్షమాపణ చెప్పాలని #YSRCPApologizeRajini అనే హ్యాష్ ట్యాగ్ తో పోస్టులు పెడుతున్నారు. మరి ఈ వివాదం ఎక్కడి వరకు వెళుతుందో చూడాలి మరి!
