Ponguleti Srinivas Reddy: ఏ పార్టీలో చేర‌తానో 15 రోజుల్లో ప్ర‌క‌టిస్తా
Hyderabad: తాను ఏ పార్టీలో చేర‌తాన‌నేది మ‌రో 15 రోజుల్లో ప్ర‌క‌టిస్తాన‌ని అన్నారు స‌స్పెండ్‌కు గురైన BRS పార్టీ నేత పొంగులేటి శ్రీనివాస్‌ రెడ్డి (Ponguleti Srinivas Reddy). అయితే తాను ఏ పార్టీలో చేర‌తాడో అదే పార్టీ వచ్చే తెలంగాణ ఎన్నిక‌ల్లో (telangana elections) గెలుస్తుంద‌ని ధీమా వ్య‌క్తం చేస్తున్నారు. పొంగులేటితో పాటు జూప‌ల్లి కృష్ణారావును (jupalli krishna rao) BRS నుంచి స‌స్పెండ్ చేసిన సంగతి తెలిసిందే. అప్ప‌టినుంచి వారు ఏ పార్టీలో చేర‌తారా అనే విష‌యం చ‌ర్చ‌నీయాంశంగా మారింది. వారు బీజేపీలో చేరే అవ‌కాశం ఉన్న‌ట్లు ఎప్ప‌టినుంచో వార్తలు వ‌స్తున్న‌ప్ప‌టికీ.. వారి దృష్టి కాంగ్రెస్‌పై ఉందని హుజూరాబాద్‌ BJP ఎమ్మెల్యే ఈటెల రాజేందర్‌ (etela rajender) బహిరంగంగా పేర్కొనడం హాట్ టాపిక్‌గా మారింది. వారు తననే మోటివేట్ చేసి.. వారి దారిలోకి తెచ్చుకునే ప్రయత్నం చేస్తున్నారని తెలిపారు. ఇక ఈటల వ్యాఖ్యలతో BJP నాయకులు కంగుతిన్నారు.
