Nagam Janardhan Reddy: కాంగ్రెస్ ఎలా గెలుస్తుందో నేనూ చూస్తా
రేవంత్ రెడ్డి (revanth reddy) నమ్మకద్రోహని డబ్బులకు టికెట్లు అమ్ముకుంటున్నాడని ఆరోపించారు నాగం జ‌నార్ధ‌న్ రెడ్డి (nagam janardhan reddy). నాగర్ క‌ర్నూల్‌లో కాంగ్రెస్ పార్టీ ఎలా గెలుస్తుందో నేనూ చూస్తా అంటూ స‌వాల్ విసిరారు. పార్టీ కోసం కష్టపడిన వారికి కాకుండా డ‌బ్బులు ఇచ్చినోళ్ళకి మాత్రమే పార్టీ టికెట్లు ఇస్తున్నాడని రేవంత్‌పై మండిప‌డ్డారు. రాష్ట్రంలో నిజమైన కాంగ్రెస్ పార్టీ నాయకులకు కాకుండా ఎన్నికల కోసం పారాచూట్‌లో వచ్చిన నాయకులకు టికెట్లు ఎలా ఇస్తున్నాడని ప్ర‌శ్నించారు.
కాంగ్రెస్ అధిష్టానాన్ని తప్పుదోవ పట్టిస్తూ తెలంగాణలో కాంగ్రెస్ పార్టీని నాశనం చేస్తున్నాడని కాంగ్రెస్ పార్టీకి మోసం చేసి నమ్మకద్రోహం చేసిన వ్యక్తులకు నాగర్ క‌ర్నూల్ టికెట్ ఇవ్వడం పెద్ద వింతగా ఉంద‌ని అన్నారు. “” తండ్రి BRS పార్టీలో ఎమ్మెల్సీగా ఉంటాడు.. కొడుకు కాంగ్రెస్ పార్టీ అభ్యర్థిగా ఉంటాడు.. ఇలాంటి వారికి ఈ రోజు కాంగ్రెస్ పార్టీ టికెట్ ఇవ్వడం రేవంత్ రెడ్డి వ్యవహార శైలికి నిదర్శనం. పదేళ్లుగా ప్రభుత్వంపై ఎన్నో కేసులు వేసి BRS పార్టీ నాయకుల చేతిలో ఎన్నో తిట్లు తిని ఎన్నో కేసులు అనుభవిస్తున్న తనకు టికెట్ ఇవ్వకుండా వచ్చిన అభ్యర్థికి టికెట్ ఇచ్చాడు. ఇదే దామోదర్ రెడ్డిని నేను సపోర్ట్ చేసి ఎమ్మెల్సీగా గెలిపిస్తే 2018లో కాంగ్రెస్ పార్టీ నుండి నేను నిలబడితే నన్ను ఓడించాల‌ని కంకణం కట్టుకొని తిరిగాడు.
అలాంటి దామోదర్ రెడ్డి కుమారుడికి ఈరోజు కాంగ్రెస్ పార్టీ టికెట్ ఇచ్చిందంటే దేనితో నవ్వాలో అర్థం అవ్వ‌డంలేదు. రాష్ట్రవ్యాప్తంగా కాంగ్రెస్ పార్టీ బలోపేతానికి కష్టపడి పనిచేసిన నాయకులకు ఎంతోమందికి రేవంత్ రెడ్డి మొండి చేయి చూపించాడు. మా లాంటి వాళ్ళ బతుకులను ఆగం చేశాడు. మల్లు రవి, రేవంత్ రెడ్డి వాళ్ల ఎన్నికల కోసం నా ప్రచార రథాలు వాడుకున్నారు“” అని ఆవేద‌న వ్య‌క్తం చేసారు నాగం (nagam janardhan reddy)
