Naga Babu: సాక్షి రిపోర్ట‌ర్‌పై నాగ‌బాబు ఫైర్
ఇంకోసారి జ‌న‌సేనాని ప‌వ‌న్ క‌ళ్యాణ్‌ను (pawan kalyan) ప‌ట్టుకుని ప్యాకేజ్ స్టార్ అని ఎవరైనా అంటే చెప్పుతో కొడ‌తాన‌ని వార్నింగ్ ఇచ్చారు నాగ‌బాబు (naga babu). TDP జ‌న‌సేన కిందే ప‌నిచేయాల‌ని.. చంద్ర‌బాబు నాయుడు జైల్లో ఉన్నారు కాబ‌ట్టి దీనిని బాగా వాడుకోవాల‌ని నాగ‌బాబు జ‌న‌సైనికుల‌తో అన్న‌ట్లు సాక్షి పేప‌ర్‌లో రాసారు. ఈ నేప‌థ్యంలో నాగ‌బాబు తిరుప‌తిలో ప్రెస్ మీట్ పెట్టారు. ఈ ప్రెస్‌మీట్‌కు సాక్షిలో ప‌నిచేస్తున్న రిపోర్ట‌ర్ రావ‌డ‌మే కాకుండా నాగ‌బాబుని ఓ ప్రశ్న అడిగారు. సర్.. జ‌న‌సైనికులు రెండు పార్టీల జెండాలను ప‌ట్టుకుని తిర‌గాల్సిందేనా అని అడిగాడు.
దీనికి నాగ‌బాబు స్పందిస్తూ.. ఎవ‌రు బాబు ఈ ప్రశ్న అడిగింది అని అడ‌గ్గా.. ప‌క్క‌నే ఉన్న ఇత‌ర రిపోర్ట‌ర్లు సాక్షి రిపోర్ట‌ర్ సర్ అని సమాధానం ఇచ్చారు. దాంతో నాగ‌బాబు కాస్త సీరియ‌స్ అయ్యారు. “” జ‌న‌సేన కిందే TDP ప‌నిచేయాల‌ని నేను అన్న‌ట్లు మీరు పేప‌ర్‌లో రాసారు. ఇంక మిమ్మ‌ల్ని ఏమ‌నాలి? అస‌లు మీకు సమాధానం చెప్ప‌డం కూడా వేస్టే “” అని మండిప‌డ్డారు. ఇక ప‌వ‌న్ క‌ళ్యాణ్ తిరుప‌తి నుంచి పోటీ చేస్తారా అని అడ‌గ్గా.. ఆ విష‌యం ప‌వ‌నే త్వ‌ర‌లో ప్ర‌క‌టిస్తార‌ని తెలిపారు. త్వ‌ర‌లో రాయ‌ల‌సీమ‌లో కూడా ప‌వ‌న్ వారాహి విజ‌య యాత్ర నిర్వ‌హిస్తార‌ని స్ప‌ష్టం చేసారు.
