Jithender Reddy: ఆ దున్న‌పోతు ట్వీట్ గురించి చెప్ప‌ను

Hyderabad: BJP నేత జితేంద‌ర్ రెడ్డి (jithender reddy) గ‌త‌వారం చేసిన ట్వీట్ దుమారానికి దారితీసింది. దుబ్బాక ఎమ్మెల్యే ర‌ఘునంద‌న్ రావును (raghunandan rao) BJP జాతీయ అధికార ప్ర‌తినిధిగా చేయాల‌ని జితేంద‌ర్ ట్వీట్ చేసారు. దీని గురించి ఇప్పుడు స్పందించారు. అదొక దున్న‌పోతు ట్వీట్ అని దాని గురించి ఎక్స్‌ప్ల‌నేషన్ ఇవ్వ‌ద‌ల‌చుకోలేద‌ని అన్నారు. ఎవ‌రికి ఎలా కావాలంటే అలా అర్థంచేసుకోండి అంటూ దురుసుగా మాట్లాడారు.

“నేను వేసిన దున్నపోతు ట్వీట్ మీద స్పందించను. నేను ట్వీట్ పెట్టాను. దానికి ఎక్స్‌ప్ల‌నేష‌న్ ఏమీ ఉండ‌దు. అందుకే దానిని ట్వీట్ అన్నారు. దాని మ‌ళ్లీ నేను ప్రెస్ మీట్ పెట్టి మాట్లాడేది కాదు. మీకు నచ్చినట్లు అర్థం చేసుకోండి. ఆ ట్వీట్ విషయంలో రేవంత్ రెడ్డి నాకు ఫోన్ చేసి నీది మంచి కవి హృదయం, నీ కళా రూపాన్ని ప్రదర్శించినవ్ శభాష్ అని పొగిడిండు” అని అన్నారు జితేంద‌ర్.