Prudhvi Raj: జ‌న‌సేన‌లో చేర‌కుండా త‌ప్పు చేసా

జ‌న‌సేన‌లో (janasena) చేర‌కుండా త‌ప్పు చేసాన‌ని.. ప‌వ‌న్ క‌ళ్యాణ్ (pawan kalyan) పిలిచి ఎమ్మెల్యే టికెట్ ఇస్తే త‌ప్ప‌కుండా పోటీ చేస్తాన‌ని అన్నారు 30 ఇయ‌ర్స్ పృథ్వీ రాజ్ (prudhvi raj). YSRCPలో ఉన్న‌ప్పుడు త‌న‌కు అన్యాయం జ‌రిగింద‌ని.. ఏపీని రాష్ట్రాన్ని గ‌డ‌గ‌డ‌లాడించే శ‌క్తి జ‌న‌సేన‌కు మాత్ర‌మే ఉంద‌ని తెలిపారు. త‌న‌ను YSRCPలో చేర‌మ‌ని బ్రెయిన్ వాష్ చేసార‌ని.. దాంతో ముందు వెన‌కా ఆలోచించ‌కుండా చేరి త‌ప్పుచేసాన‌ని అన్నారు. మంత్రి రోజా వివాదం గురించి మాట్లాడుతూ.. గ‌తంలో ఆమె ఎన్నో బూతులు మాట్లాడింద‌ని.. అస‌లు బూతులు మాట్లాడ‌టం స్టార్ట్ చేసిందే YSRCP పార్టీ అని ఆరోపించారు. బండారు స‌త్య‌నారాయ‌ణ‌కు నోటీసులు ఇచ్చిన మ‌హిళా క‌మిష‌న్ అధ్య‌క్షురాలు వాసిరెడ్డి ప‌ద్మ గ‌తంలో మిడిల్ ఫింగ‌ర్ చూపించింద‌ని.. మ‌రి ఆమె అలా చూపించ‌డం ఎంత వ‌ర‌కు క‌రెక్ట్ అని ప్ర‌శ్నించారు. రానున్న ఎన్నిక‌ల్లో అధికారంలోకి వ‌చ్చేది TDP జ‌నసేనే (janasena) అని ధీమా వ్య‌క్తం చేసారు.