Chandrababu Naidu: YSRCP నేత‌కు అల్లు అర్జున్ మ‌ద్ద‌తుపై చంద్ర‌బాబు రియాక్ష‌న్
Chandrababu Naidu: సినీ న‌టుడు అల్లు అర్జున్ ఈరోజు నంద్యాలకు వెళ్లారు. అక్క‌డ వైఎస్సార్ కాంగ్రెస్ అభ్య‌ర్ధి అయిన శిల్పా ర‌విచంద్ర కిశోర్ రెడ్డి త‌ర‌ఫున ప్ర‌చారం చేసేందుకు వెళ్లారు. నిజానికి జ‌న‌సేనాని ప‌వ‌న్ క‌ళ్యాణ్ ఆయ‌న‌కు మామ కాబ‌ట్టి ఇంట్లో స‌భ్యుడిగా బ‌న్నీ కూట‌మికి మ‌ద్ద‌తు ఇవ్వాలి. కానీ ఆయ‌న ప‌వ‌న్‌కు కేవ‌లం ట్వీట్ ద్వారా మ‌ద్ద‌తు తెలిపి.. స్నేహితుడి కోసం నంద్యాల వ‌ర‌కు వెళ్లి ప్ర‌చారం చేసారు. దీనిపై తెలుగు దేశం పార్టీ అధినేత చంద్ర‌బాబు నాయుడు స్పందించారు.
అల్లు అర్జున్.. త‌న స్నేహితుడైన ర‌విచంద్ర కిశోర్ రెడ్డి ఇంటికి వెళ్ల‌చ్చు కానీ జ‌న‌సేన జెండాలు వాడ‌టం అనేది త‌ప్పుడు రాజ‌కీయం అని అన్నారు. అల్లు అర్జున్ వ‌స్తుంటే కావాల‌నే జ‌న‌సేన జెండాలు ప‌ట్టుకుని ఆయ‌న వెంట వెళ్లార‌ని.. వైఎస్సార్ కాంగ్రెస్ ఇలాంటి త‌ప్పుడు రాజ‌కీయం చేసేంత‌గా దిగ‌జారిపోయింద‌ని మండిప‌డ్డారు. కేవ‌లం ఆదివారాలు మాత్ర‌మే ప్ర‌జ‌ల‌కు క‌నిపించే ఈ సండే ఎమ్మెల్యేను శాశ్వ‌తంగా ఇంటికి పంపించేద్దామ‌ని పిలుపునిచ్చారు.
