Bandi Sanjay: KCR మాట‌లు చెప్త‌డు.. కొంప ముంచుత‌డు..!
Bandi Sanjay: తెలంగాణ ఎన్నిక‌ల నేప‌థ్యంలో క‌రీంన‌గ‌ర్‌లోని ఫ‌కీర్‌పేట‌లో నేత బండి సంజ‌య్ ప్ర‌చారం చేసారు. ఇదే నియోజ‌క‌వ‌ర్గం నుంచి పోటీ చేస్తున్న గంగుల క‌మలాక‌ర్ (gangula kamalakar) ఎప్పుడు KCRని క‌ల‌వాల‌ని వెళ్లినా కూడా అపాయింట్‌మెంట్ దొర‌క‌ద‌ని.. కానీ తాను ఎప్పుడు ప్ర‌ధాని న‌రేంద్ర మోదీని క‌ల‌వ‌డానికి వెళ్లినా వెంట‌నే పిలిచి మాట్లాడ‌తార‌ని తెలిపారు.
సీఎం కాక‌ముందు త‌న‌కు త‌న భార్య‌కు అస‌లు ఇల్లు అవ‌స‌రం లేద‌న్న KCR.. ఈరోజు ప్ర‌గ‌తి భ‌వ‌న్‌లో వంద గ‌దులు క‌ట్టించుకుని హాయిగా బ‌తుకుతున్నార‌ని ప్ర‌జ‌ల్ని మాత్రం న‌డిరోడ్డు మీద వ‌దిలేస్తున్నార‌ని ఆరోపించారు. మాట‌లు బాగా చెప్పి కొంప‌ముంచే వ్యక్తికి ఓటు వేయాలా లేక ప్ర‌జ‌ల మధ్యే ఉంటూ వారి కోసం జైలుకి వెళ్ల‌డానికి కూడా సిద్ధ‌ప‌డే వ్యక్తికి ఓటెయ్యాలా అని ప్ర‌జ‌ల‌ను ప్ర‌శ్నించారు.
ప్ర‌జ‌ల‌కు ఇచ్చిన హామీల‌ను ఎందుకు నెర‌వేర్చ‌లేదు అని ప్ర‌శ్నించినందుకే త‌న‌పై ఏకంగా 70 కేసులు వేసార‌ని.. అన్ని కేసులు వేస్తే తాను ఎలా బ‌త‌క‌గ‌లుగుతాన‌ని ప్ర‌శ్నించారు. అయినా కూడా భ‌య‌ప‌డ‌కుండా ప్ర‌జ‌ల కోసం ప్ర‌శ్నిస్తూనే ఉంటాన‌ని స‌వాల్ విసిరారు.
