Ambati Rambabu: చంద్ర‌బాబుకు బెయిల్ వ‌చ్చే మార్గం ఇదొక్క‌టే..!

చంద్ర‌బాబు నాయుడికి (chandrababu naidu) బెయిల్ రావాలంటే ఒక్క‌టే దారి ఉంద‌ని అన్నారు YSRCP మంత్రి అంబ‌టి రాంబాబు (ambati rambabu). స్కిల్ డెవ‌ల‌ప్‌మెంట్ స్కాంలో (skill development) శ్రీనివాస్ అనే వ్య‌క్తిని అమెరికా పంపించార‌ని.. ఆ వ్య‌క్తిని తీసుకొచ్చి కోర్టు ముందు హాజ‌రుప‌రిస్తే వెంట‌నే బెయిల్ వ‌చ్చే ఛాన్స్ ఉంద‌ని తెలిపారు. తాను కూడా ఒక‌ప్పుడు న్యాయ‌వాదినేన‌ని.. శ్రీనివాస్ అమెరికా నుంచి వ‌స్తేనే బెయిల్ వ‌చ్చే అవ‌కాశం ఉంద‌ని తెలుస్తోందని పేర్కొన్నారు.

నా కారుకి ప్ర‌మాదం.. అనుమానంగా ఉంది

ఓ నిశ్చితార్థ వేడుక‌కు హాజ‌ర‌య్యేందుకు ఈరోజు ఉద‌యం ఖ‌మ్మం వెళ్లాన‌ని.. ఆ స‌మ‌యంలో త‌న కారుకి స్వ‌ల్ప ప్ర‌మాదం జ‌రిగింద‌ని రాంబాబు అన్నారు. అదేదో యాక్సిడెంట‌ల్‌గా జ‌రిగింది అనుకున్నాన‌ని… కానీ ఖ‌మ్మంలోని ఒకే వ‌ర్గానికి చెందిన ఓ ప‌ది మంది క‌ర్ర‌లు పట్టుకుని వ‌చ్చి త‌న కారును అడ్డ‌గించడాన్ని చూస్తుంటే ఇది ఎవ‌రో త‌న‌పై కుట్ర‌ప‌న్నుతున్నార‌ని అర్థ‌మ‌వుతోంద‌ని తెలిపారు. దీనిపై ఖ‌మ్మం పోలీసులు క్షేత్ర‌స్థాయిలో విచార‌ణ జ‌రుపుతున్నార‌ని పేర్కొన్నారు. త‌న‌పై ఎలాంటి చ‌ర్య‌ల‌కు పాల్ప‌డినా భ‌య‌ప‌డేదే లేద‌ని హెచ్చ‌రించారు. (ambati rambabu)