పవన్ కళ్యాణ్‌తో మల్టీస్టారర్.. యంగ్ హీరో ప్లాన్!
ఎలాంటి బ్యాగ్రౌండ్ లేకుండా హీరోగా టాలీవుడ్లోకి ఎంట్రీ ఇచ్చి వరుస సినిమాలతో దూసుకుపోతున్న యంగ్ హీరో కిరణ్ అబ్బవరం. ఇటీవలే గీతా ఆర్ట్స్ నిర్మించిన వినరో భాగ్యము విష్ణుకథ సినిమాతో హిట్ కొట్టిన కిరణ్ త్వరలోనే మరో సినిమాతో ప్రేక్షకుల ముందుకు రాబోతున్నాడు. తాజాగా కిరణ్ అబ్బవం నటించిన మీటర్ సినిమా ఏప్రిల్ 7న విడుదల కానుంది. ఈ సినిమా ప్రమోషన్స్ కోసం కిరణ్ రెండు తెలుగు రాష్ట్రాల్లోనూ విస్తృతంగా పర్యటిస్తున్నారు. ఈ నేపథ్యంలో కిరణ్ పవన్ కళ్యాణ్ తో సినిమా గురించి సెన్సేషనల్ కామెంట్స్ చేశాడు.
టాలీవుడ్లో ఈమధ్య బాగా వినిపిస్తున్న పేరు కిరణ్ అబ్బవరం. షార్ట్ ఫిలిమ్స్ తో ఇండస్ట్రీలోకి ఎంట్రీ ఇచ్చిన ఈ హీరో వరుస సినిమాలు చేసుకుంటూ టాలీవుడ్ యంగ్ హీరోలకు పోటీగా నిలుస్తున్నాడు. గీతా ఆర్ట్స్, మైత్రీ మూవీ మేకర్స్ వంటి బడా నిర్మాణ సంస్థల్లో సినిమాలు చేస్తూ అందరి దృష్టి ఆకర్షిస్తున్నాడు. ఏప్రిల్ 7న ‘మీటర్’ అనే యాక్షన్ ఎంటర్టైనర్ తో ఆడియన్స్ ముందుకు రాబోతున్నాడు. ఈ సినిమాలో కిరణ్ పోలీస్ పాత్రలో కనిపించబోతున్నాడు. ఇప్పటికే రిలీజ్ అయిన టీజర్ అండ్ ట్రైలర్ ఆడియన్స్ ని ఆకట్టుకున్నాయి. రమేష్ కాడూరి ఈ సినిమాని డైరెక్ట్ చేశారు. తమిళ భామ అతుల్య రవి హీరోయిన్ గా నటించగా, సాయి కార్తీక్ సంగీతం అందిచారు. మైత్రీ మూవీ మేకర్స్ ఈ సినిమాకి ప్రెజెంటర్స్ గా వ్యవహరిస్తున్నారు. తాను నటించిన సినిమాల ప్రమోషన్స్ స్వయంగా చూసుకొనే కిరణ్.. మీటర్ ప్రమోషన్స్ కూడా ఓ రేంజ్ లో చేస్తున్నాడు.
ప్రముఖ నగరాల్లోని ఇంజనీరింగ్, డిగ్రీ, పీజీ కాలేజీలకు వెళ్లి యూత్ లో ఈ మూవీ పై బజ్ క్రియేట్ చేయడానికి ట్రై చేస్తున్నాడు. ఈ క్రమంలోనే తాజాగా ఒక కాలేజీలో స్టూడెంట్స్ తో మాట్లాడిన కిరణ్ పవన్ కళ్యాణ్ గురించి సెన్సేషనల్ కామెంట్స్ చేశాడు. ఆ కార్యక్రమంలో కిరణ్ మాట్లాడుతూ.. ‘పవన్ కళ్యాణ్ గారితో ఒక ప్రాజెక్ట్ చేయడానికి ప్లాన్ చేస్తున్నా. అంతా అనుకున్నట్లు జరిగితే ఒక మల్టీస్టారర్ తో మీ ముందుకు వస్తా’ అంటూ వెల్లడించాడు. దీంతో ఈ కామెంట్స్ ప్రస్తుతం వైరల్ అవుతున్నాయి. మరి ఈ ప్రాజెక్ట్ పట్టాలు ఎక్కుతుందా? లేదా కిరణ్ అబ్బవరం మాటలు వారికే పరిమితం అయిపోతుందా? అనేది చూడాలి మరి.
