Viral News: ఓకే కాన్పులో ఐదుగురు పిల్లలు!
Ranchi: ఒకే కాన్పులో ఐదుగురు పిల్లలు జన్మించిన అరుదైన ఘటన జార్ఖండ్(Jharkhand) రాజధాని రాంచీలో జరిగింది. ఒకే కాన్పులో ఐదుగురు పిల్లలు జన్మించడాన్ని క్వింటాప్లెట్స్(quintuplets) అని పిలుస్తారు. ఇది అరుదుగా జరుగుతుంది. దాదాపు 55,000,000 జననాలలో ఒక క్వింటాప్లెట్స్ నమోదవుతుందని చెబుతున్నారు డాక్టర్లు. ఈ ఏడాది ఫిబ్రవరిలో పోలిష్-బ్రిటీష్ దంపతులు కూడా ఒకే కాన్పులో ఏడుగురు పిల్లలకు జన్మనిచ్చారు.
రాజేంద్ర ఇన్‌స్టిట్యూట్ ఆఫ్ మెడికల్ సైన్సెస్ (RIMS) ఆస్పత్రిలో సోమవారం ఓ మహిళ ఐదుగురు శిశువులకు జన్మనిచ్చింది. అంతేకాదు ఆ మహిళకు సాధారణ ప్రసవం జరిగింది. ఈ కాన్పులో జన్మించినవారంతా బాలికలేనని రిమ్స్ వైద్యులు ట్విట్టర్‌(Twitter)లో తెలిపారు. సాధారణం కంటే తక్కువ బరువుతో పుట్టినందున నియోనాటల్‌ ఐసీయూలో వారిని సంరక్షించినట్లు వైద్యులు పేర్కొన్నారు. ఛత్రా జిల్లాలోని ఇత్కోరీకి చెందిన ఆ మహిళకు రిమ్స్ వైద్యుడు శశిబాలసింగ్‌ నేతృత్వంలోని వైద్యుల బృందం సాధారణ ప్రసవం చేసింది. ప్రస్తుతం తల్లి పరిస్థితి బాగానే ఉందని తెలిపారు. ప్రస్తుతం ఈ వార్త నెట్టింట వైరల్గా మారింది.
रिम्स के महिला एवं प्रसूति विभाग में इटखोरी चतरा की एक महिला ने पांच बच्चों को जन्म दिया है। बच्चें NICU में डाक्टरों की देखरेख में हैं। डॉ शशि बाला सिंह के नेतृत्व में सफल प्रसव कराया गया। @HLTH_JHARKHAND pic.twitter.com/fdxUBYoPoP
— RIMS Ranchi (@ranchi_rims) May 22, 2023
