Vijay Antony: ఆ క్యారెక్టర్ మహేష్కి బాగా సూట్ అవుతుంది!
Hyderabad: 2016లో వచ్చిన తమిళ్ డబ్బింగ్ సినిమా బిచ్చగాడు(Bichagadu) తో తెలుగు ప్రేక్షకులను మెప్పించిన కోలీవుడ్ హీరో విజయ్ ఆంటోనీ(Vijay Antony). మల్టీటాలెంట్తో రాణిస్తున్న విజయ్ కెరీర్లో టర్నింగ్ పాయింట్గా నిలిచిన బిచ్చగాడు సినిమాకి సీక్వెల్ గా బిచ్చగాడు 2కి విజయ్ స్వీయ దర్శకత్వంలో రూపొందింది. ఈ సినిమా మే 19న రిలీజ్ కానుంది. ఈ సినిమాకు విజయ్ ఆంటోనీ భార్య నిర్మాతగా వ్యవహరించించారు. ఇందులో కావ్య థాపర్(Kavya Thapar) హీరోయిన్ గా నటించింది. ప్రస్తుతం చిత్రయూనిట్ ప్రమోషన్స్ లో బిజీగా ఉంది. ఇక తాజాగా బిచ్చగాడు సినిమా గురించి అభిమానులతో మాట్లాడుతూ ఈ సినిమా టాలీవుడ్ సూపర్స్టార్ మహేష్ బాబుకి బాగా సూట్ అవుతుందని అభిప్రాయపడ్డారు.
బిచ్చగాడు 2 ప్రమోషన్స్లో భాగంగా చిత్రబృందం తెలుగులో మీమర్స్, సోషల్ మీడియా ఇన్‌ఫ్లూయెన్సర్స్‌ తో చిట్ చాట్ చేశారు. ఇందులో భాగంగా వాళ్ళు అడిగిన పలు ప్రశ్నలకు సమాధానాలిచ్చారు. త్వరలోనే తెలుగులో ఓ సినిమాను డైరెక్ట్ చేయనున్నట్లు ప్రకటించాడు విజయ్. ఈ నేపథ్యంలో ఒకరు ‘బిచ్చగాడు సినిమా మీరు కాకపోతే ఇంకెవరు చేస్తే బాగుంటుంది?’ అని విజయ్ని అడిగాడు.
దీనికి విజయ్.. ‘తెలుగులో అయితే మహేష్ బాబు చేస్తే బాగుంటుందని నా అభిప్రాయం. ఈ పాత్రలోని హావభావాలను మహేష్ అద్భుతంగా పలికించగలరని నమ్మకం’ అన్నారు. ఇక తమిళ్ లో అయితే విజయ్ కానీ, అజిత్ కానీ సూట్ అవుతారని అన్నారు. దీంతో విజయ్ చేసిన వ్యాఖ్యలు వైరల్ అవ్వగా మహేష్ అభిమానులు మాత్రం ఈ సినిమా తమ హీరోకి అస్సలు సూటవదంటూ విజయ్ని ట్రోల్ చేస్తున్నారు.
