SSMB28: మ‌హేష్ – త్రివిక్ర‌మ్ సినిమా టైటిల్స్​ ఇవేనా?

మాటల మాంత్రికుడు త్రివిక్రమ్​ శ్రీనివాస్​, సూపర్​స్టార్ మహేష్​ బాబు కాంబినేషన్లో ఓ సినిమా తెరకెక్కుతున్న సంగతి తెలిసిందే. SSMB28 వర్కింగ్​ టైటిల్​తో తెరకెక్కుతున్న ఈ సినిమాపై భారీ అంచనాలే ఉన్నాయి. అతడు, ఖలేజా తర్వాత వీరిద్దరఇ కాంబినేషన్లో రాబోతున్న సినిమా కావడంతో సినీ వర్గాల్లోనూ ఈ సినిమాపై ఆసక్తి నెలకొంది. ఇక ఈ సినిమా టైటిల్​, ఫస్ట్​ లుక్​ని ఉగాది కానుకగా రివీల్​ చేస్తారని అంతా భావించారు. కానీ మేకర్స్​ నుంచి ఎలాంటి అప్​డేట్​ రాకపోవడంతో అభిమానులు నిరాశ చెందారు. అయితే తాజా సమాచారం ప్రకారం ఈ సినిమాకి టైటిల్​ ఫిక్స్​ అయ్యిందనీ, త్వరలోనే ప్రకటించనున్నారని తెలుస్తోంది. ఈ సినిమాకు అయోధ్య‌లో అర్జునుడుతో పాటు మ‌రికొన్ని పేర్లు ప్ర‌చారంలో ఉన్నాయి. త్రివిక్ర‌మ్ త‌న ప్ర‌తి సినిమాకు తెలుగుద‌నం ఉట్టిప‌డే టైటిల్స్ నిర్ణ‌యిస్తుంటారు. ఈ సినిమాకు అలాంటి పొయేటిక్ టైటిల్‌ను మహేష్ మూవీకి ఫిక్స్ చేసే ఆలోచ‌న‌లో ఉన్న‌ట్లు చెబుతున్నారు. SSMB28 అనే వ‌ర్కింగ్ టైటిల్‌తో రూపొందుతోన్న ఈ సినిమాలో మ‌హేష్‌బాబుకు జోడీగా పూజాహెగ్డే హీరోయిన్‌గా న‌టిస్తోంది. శ్రీలీల సెకండ్‌ హీరోయిన్‌గా క‌నిపించ‌బోతున్న‌ది.

నిజానికి ఈ సినిమాను ఏప్రిల్ 28న రిలీజ్ చేయాల‌ని భావించారు. కానీ షూటింగ్ ఆల‌స్యం కావ‌డంతో ఆగ‌స్ట్‌కు వాయిదా వేశారు. ఈ సినిమాకు త‌మ‌న్ సంగీతాన్ని అందిస్తున్నారు. SSMB28గా వస్తున్న ఈ చిత్రాన్ని హారిక హాసినీ క్రియేషన్స్ బ్యానర్‌పై రాధాకృష్ణ నిర్మిస్తున్నారు. టాలీవుడ్ ఇండస్ట్రీలో బిగ్గెస్ట్ కాంబినేషన్ గా తెరపైకి రాబోతున్న మహేశ్ బాబు SSMB28 సినిమాపై అంచనాలు భారీగానే ఉన్నాయి. మాటల మాంత్రికుడు త్రివిక్రమ్ శ్రీనివాస్.. మహేశ్ బాబుతో చేస్తున్న మూడో సినిమా కావడంతో అటు ప్రేక్షకుల్లోనూ ఇటు ఇండస్ట్రీలోనూ కూడా ఈ సినిమా హాట్ టాపిక్ గా మారింది. అంతేకాకుండా ఈ సినిమాలో బుట్టబొమ్మ పూజా హెగ్డే, ఇటీవల ధమాకాతో సూపర్ హిట్ కొట్టిన శ్రీలీల ఇద్దరు హీరోయిన్లు ఉండటంతో మరింత ఆసక్తిగా ఎదురుచూస్తున్నారు ప్రేక్షకులు. విలేజ్ బ్యాక్ డ్రాప్ లో ఎమోషనల్ ఫీస్ట్ గా ఉండాలని ప్లాన్ చేస్తున్నారట. అంతేకాకుండా ఈ చిత్రానికి ‘అయోధ్యలో అర్జునుడు’, ‘అతడే పార్థు’, ‘అమరావతికి అటు ఇటు’వంటి టైటిళ్లు వినిపించగా త్రివిక్రమ్​ తన స్టైల్​ టైటిల్​కే ఫిక్స్​ అయ్యారని తెలుస్తోంది. అదేంటో తెలియాలంటే అధికారికంగా ప్రకటించేవరకు ఆగాల్సిందే! ఇక ఈ సినిమా తర్వాత మహేష్, దర్శకధీరుడు రాజమౌళి కాంబినేషన్లో సినిమా రూపొందనున్న సంగతి తెలిసిందే!