RRR: ఆస్కార్ వేడుక‌లో క‌న‌ప‌డ‌ని నిర్మాత.. కార‌ణం అదేనా?
దర్శక ధీరుడు ఎస్ఎస్ రాజమౌళి రూపొందించిన ప్రతిష్టాత్మక చిత్రం ఆర్ఆర్ఆర్. ఈ సినిమా విడుదలై ఏడాది కావస్తున్నా రికార్డులు బద్ధలు కొడుతూనే ఉంది. తాజాగా ఈ సినిమాలోని నాటు నాటు పాటు ఆస్కార్ అవార్డు దక్కించుకుని ప్రపంచ వేదికపై తెలుగు సినిమా సత్తా చాటిన సంగతి తెలిసిందే. ఆస్కార్ పొందిన తొలి భారతీయ సినిమాగానూ ఆర్ఆర్ఆర్ చరిత్ర సృష్టించిందనే చెప్పాలి. దాదాపు రూ.450 కోట్ల భారీ బడ్జెట్తో నిర్మించిన ఈ సినిమా దాదాపు రూ.1200 కోట్లు కొల్లగొట్టి బాక్సాఫీస్ రికార్డులను తిరగరాసింది. ప్రపంచ వ్యాప్తంగానూ మంచి టాక్ తెచ్చుకున్న ఆర్ఆర్ఆర్ పలు అవార్డులు కూడా దక్కించుకుంది. అయితే అంతా బానే ఉన్నా ఈ సినిమా నిర్మాత డివివి దానయ్య ఆస్కార్ వేడుల్లో, ప్రమోషన్స్లో ఎక్కడా కనిపించకపోవడం ఇప్పుడు చర్చకు దారి తీస్తుంది. అంతేకాదు ఆయన గురించిన ప్రస్తావన కూడా ఎక్కడా రాకుండా జాగ్రత్తపడింది చిత్రబృందం. దీని వెనుకున్న కారణాలేంటా అని సోషల్మీడియాలో చర్చిస్తున్నారు నెటిజన్లు.
అయితే దానయ్య సినిమా నిర్మాణంలో ఎక్కడా తగ్గకుండా ఖర్చుపెట్టినప్పటికీ, అనంతరం జపాన్, యూస్ పర్యటనలు, ఆస్కార్ ఎంట్రీ కోసం ప్రమోషన్లకు అయ్యే ఖర్చు మాత్రం పెట్టేందుకు ఇష్టపడలేదని, అందుకే దానయ్య ఎక్కడా కనిపించలేదని టాలీవుడ్ టాక్. ఆస్కార్ నామినేష్లలో నిలిచేందుకు, అమెరికా పర్యటనకు అయ్యే ఖర్చు మొత్తం బాహుబలి నిర్మాత శోభు యార్లగడ్డ, రాజమౌళి కుటుంబం భరించిందట. అంతేకాదు ఆస్కార్ పోటీలో నిలిచే ఆలోచన రాజమౌళి కొడుకు కార్తికేయదేనట. అందుకే ఎమ్ఎమ్ కీరవాణి ఆస్కార్ అందుకున్న తర్వాత చేసిన ప్రసంగంలో ప్రత్యేకంగా కార్తికేయకు కృతజ్ఞతలు చెప్పారు.
యంగ్ టైగర్ ఎన్టీఆర్, మెగాపవర్ స్టార్ రామ్ చరణ్ హీరోలుగా వచ్చిన ప్రతిష్టాత్మక చిత్రం ఆర్ ఆర్ ఆర్. ఈ సినిమాను డివివి ఎంటర్టైన్మెంట్స్ బ్యానర్ పై దానయ్య భారీగా నిర్మించారు. అందరి అంచనాలకు అందుకుంటూ అనేక వాయిదాల తర్వాత ఈ సినిమా ప్రపంచవ్యాప్తంగా మార్చి 25, 2022న విడుదలై కలెక్షన్ల సునామీని సృష్టించింది. తెలుగుతో పాటు హిందీ, తమిళ, కన్నడ, మలయాళీ భాషాల్లో విడుదలైన ఈ సినిమా ప్రపంచవ్యాప్తంగా రూ.1200 కోట్ల రూపాయల కలెక్షన్స్‌ను రాబట్టి అబ్బుర పరిచింది. కీరవాణి సంగీతం అందించగా.. సెంథిల్ కుమార్ సినిమాటోగ్రఫిని అందించారు. ఇక ఇండియాలో థియేటర్ రన్ ముగియడంతో ఈ సినిమా ప్రస్తుతం నెట్‌ఫ్లిక్స్‌ (హిందీ), జీ5(తెలుగు, తమిళ్, కన్నడ, మలయాళం) లో స్ట్రీమింగ్ అవుతోంది.
కాగా, ఆర్ఆర్ఆర్ ఆస్కార్ అందుకున్నందుకు చిత్రబృందాన్ని చూసి గర్వపడుతున్నానీ, తన సినిమాకు ఆస్కార్ రావడం ఎంతో సంతోషమని తాజాగా నిర్మాత దానయ్య ఓ ఇంటర్వ్యూలో చెప్పుకొచ్చారు. అయితే ఆస్కార్ గురించి తనతో రాజమౌళి, రామ్ చరణ్, ఎన్టీఆర్ ఎవరూ సంప్రదించలేదని ఆయన అన్నారు. ఇక, ఆర్ఆర్ఆర్ సినిమా పాన్ ఇండియా సినిమాగా ప్రపంచవ్యాప్తంగా విడుదలై ఘన విజయం సాధించిన సంగతి తెలిసిందే. ఈ సినిమాలో విప్లవకారులు అల్లూరి సీతారామ‌రాజు పాత్రలో మెగా పవర్స్టార్ రామ్ చరణ్ నటించగా, గోండు జాతి బిడ్డ కొమురం భీమ్గా జానియర్ ఎన్టీఆర్ ప్రేక్షకులను మెప్పించారు.
