NBK108: ఒక్క పాటకి ఏకంగా 5 కోట్లు
బాలకృష్ణ క్రేజ్ కరోనా ముందు, కరోనా తర్వాత అని చెప్పుకునేంత స్పీడ్తో ఉన్నారు నందమూరి నట సింహం బాలయ్య బాబు. ఇటు సినిమాలు, అటు రియాలిటీ షోలు.. ఏ మాత్రం తగ్గేదేలే అంటూ యంగ్ హీరోలకు ధీటుగా నిలుస్తున్నారు. సంక్రాంతికి ‘వీరసింహారెడ్డి’తో బ్లాక్‌బస్టర్ విజయాన్ని అందుకున్న బాలయ్య, తన నెక్ట్స్ చిత్రాన్ని యంగ్ డైరెక్టర్ అనిల్ రావిపూడి దర్శకత్వంలో తెరకెక్కిస్తున్న విషయం తెలిసిందే. ఈ సినిమాను NBK108 అనే వర్కింగ్ టైటిల్‌తో తెరకెక్కుతున్న ఈ చిత్ర షూటింగ్ శరవేగంగా జరుగుతోంది. ఈ సినిమాలో నటసింహం బాలయ్య నెవర్ బిఫోర్ లుక్స్‌లో కనిపిస్తుండగా, బాలయ్యకు జోడీగా టాలీవుడ్ చందమామ కాజల్ అగర్వాల్నటిస్తోంది. ఇక ఈ సినిమాలో బాలకృష్ణ ఊరమాస్ అవతారంలో కనిపిస్తుండటంతో ఈ సినిమాను ఎప్పుడెప్పుడు చూద్దామా అని ఆసక్తిగా ఎదురు చూస్తున్నారు అభిమానులు.
తాజాగా ఈ సినిమాలోని ఓ సాంగ్‌ను షూట్ చేస్తున్నట్లుగా తెలుస్తోంది. ఈ సాంగ్ సినిమాలో టైటిల్ సాంగ్‌గా రాబోతుందట. ఇక ఈ సాంగ్‌లో బాలయ్య వినాయకుడి పూజలు చేస్తూ మనల్ని ఆకట్టుకుంటాడట. కాగా, ఈ సాంగ్ కోసం ఓ భారీ సెట్‌ను రామోజీ ఫిలిం సిటీలో వేశారట చిత్ర యూనిట్. ఈ సెట్‌ను ఏకంగా రూ.5 కోట్ల భారీ బడ్జెటో నిర్మించినట్లుగా తెలుస్తోంది. కేవలం ఒక సాంగ్‌కే రూ.5 కోట్ల సెట్ వేశారంటే, ఈ సినిమాను ఏస్థాయిలో తెరకెక్కుతుందో అర్థం చేసుకోవచ్చు. ఇక ఈ సినిమాలో అందాల భామ కాజల్ అగర్వాల్ బాలయ్యకు జోడీగా నటిస్తుండగా, యంగ్ బ్యూటీ శ్రీలీల బాలయ్యకు కూతురి పాత్రలో నటిస్తుందంటూ వార్తలు వినిపించాయి. అయితే శ్రీలీల బాలయ్య కూతురిగా కాకుండా అన్న కూతురిగా కనిపించనుందని చిత్రబృందం క్లారిటీ ఇచ్చింది. ఈ సినిమాకు థమన్ సంగీతం అందిస్తుండగా, షైన్ స్క్రీన్స్ బ్యానర్ భారీ బడ్జెట్‌తో నిర్మిస్తోంది.
ఈ సినిమాలో బాలయ్యను మునుపెన్నడూ చూడని విధంగా చూపిస్తానంటూ అనిల్ రావిపూడి చేసిన కామెంట్స్‌ను నిజం చేస్తూ, ఆయన్ను సరికొత్త గెటప్‌లో చూపెట్టి అందరినీ అవాక్కయ్యేలా చేశాడు. ఇక ఈ సినిమాకు సంబంధించిన రిలీజ్ డేట్‌ను తాజాగా అనౌన్స్ చేసింది చిత్ర యూనిట్. విజయదశమికి ఆయుధపూజ అంటూ బాలయ్య పవర్‌ఫుల్ పోస్టర్‌ను రిలీజ్ చేసి ఈ సినిమాను దసరా కానుకగా రిలీజ్ చేస్తున్నట్లు చిత్ర యూనిట్ ప్రకటించింది.
