Mahesh Babu: ఇది మీ కోసమే నాన్న!
Hyderabad: నేడు(మే 31) నటశేఖరుడు సూపర్స్టార్ కృష్ణ(Krishna) జయంతి సందర్భంగా ఆయన తనయుడు మహేష్ బాబు(Mahesh Babu) సోషల్ మీడియా వేదికగా నివాళులు అర్పించారు. ఈ సందర్భంగా మహేష్ SSMB28 నుంచి పోస్టర్ను రిలీజ్ చేస్తూ ‘ఇది మీ కోసమే నాన్నా’ అంటూ రాసుకొచ్చారు.
‘నాన్నగారి వీరాభిమానుల్లో నేనూ ఒకడిని.. మా అభిమానులందరికీ సూపర్స్టార్ కృష్ణగారు, పద్మాలయా స్టూడియోస్ బ్యానర్పై తీసిన ఎన్నో గొప్ప సినిమాల్లో మోసగాళ్లకు మోసగాడు అంటే ప్రత్యేకమైన ప్రేమ, అభిమానం. ఆ రోజుల్లోనే హాలీవుడ్ చిత్రాలను తలదన్నేస్థాయిలో ఒక తెలుగు చిత్రాన్ని నిర్మించి విజయవంతం చేసిన సాహసి నాన్నగారు. 52 ఏళ్ల క్రితమే గుర్రాలు, గన్ఫైటింగ్లు, భారీ సెట్టింగ్లు, బ్యూటీఫుల్ లొకేషన్స్, ట్రెషర్ హంట్, అతి పెద్ద తారాగణం, కౌబాయ్ గెటప్స్తో బడ్జెట్ పరిధులు దాటి, తెలుగు ప్రేక్షకులకి మాత్రమే కాదు, ఇంగ్లీష్, హిందీ, తమిళ, బెంగాలీ వంటి అన్ని భాషల్లోనూ ఈ సినిమా 50 దేశాల్లో చూపించిన ఘనత నాన్నగారిది. ఈ సంవత్సరం మే 31న (నేడు) నాన్నగారి జయంతి సందర్భంగా ఈ సినిమా ప్రపంచవ్యాప్తంగా థియేటర్స్లో రీ రిలీజ్ చేస్తున్నాం. తెలుగు సినిమాకి ప్రతి కొత్తక సాంకేతిక పరిజ్ఞానాన్ని అందించిన లెజెండ్ అండ్ విజనరీ నాన్నగారు.. మొదటి స్టీరియో సౌండ్, మొదటి సినిమా స్కోప్, మొదటి సెవెన్టీ ఎమ్ఎమ్, మొదటి జేమ్స్బాండ్, మొదటి కౌబాయ్.. ఇలా అన్ని కొత్త హంగుల్ని తెలుగు సినిమాకు తెచ్చి, తెలుగు సినిమా స్థాయిని ప్రపంచవ్యాప్తంగా పెంచిన నాన్నగారి జ్ఞాపకార్థం మనందరం మళ్లీ మోసగాళ్లకు మోసగాడు డిజిటల్లో కొత్తసాంకేతిక విలువలతో చూసి ఆ ఆనందాన్ని అనుభూతిని అనుభూతి పొంది ఆయనని స్మరించుకుందాం’ అంటూ ఘనంగా నివాళి అర్పించారు మహేష్.
Today is all the more special! This one’s for you Nanna ❤️❤️❤️ pic.twitter.com/HEs9CpeWvY
— Mahesh Babu (@urstrulyMahesh) May 31, 2023
