Raghavendra Rao: ‘సర్కారు నౌకరి’తో రానున్న దర్శకేంద్రుడు!
Hyderabad: దర్శకేంద్రుడు రాఘవేంద్ర రావు(K. Raghavendra Rao) ఈ రోజు తన 81వ పుట్టినరోజు జరుపుకుంటున్నారు. 100కు పైగా సినిమాలను రూపొందించిన ఆయన యాభై ఏళ్లకు పైగా చిత్రపరిశ్రమకు సేవలందిస్తున్నారు. దర్శకుడు, కొరియోగ్రాఫర్, నిర్మాతగానూ సినిమాలు తీసిన రాఘవేంద్రరావు ప్రస్తుతం కొత్త దర్శకులకు అవకాశాలిస్తూ దర్శకత్వ పర్యవేక్షణ బాధ్యతలు చూసుకుంటున్నారు. దర్శకుడిగా మారాలని కలలు కంటూ తగిన శిక్షణ తీసుకునే స్థోమత లేని వారికోసం యూట్యూబ్లో ‘కే.ఆర్.ఆర్. క్లాస్రూమ్స్’ పేరున 32 ఎపిసోడ్ల కార్యక్రమం చేశారు. దీనిలో సినిమాలోని ఒక్కో షాట్ ఎలా చిత్రీకరిస్తారో వివరించారు. షార్ట్ ఫిలిమ్స్ తీసే వాళ్లను ప్రోత్సహించడానికి ‘కే.ఆర్.ఆర్. వర్క్స్’ పేరున ఓ సంస్థ స్థాపించారు. దీని ద్వారా నూతన దర్శకులను ప్రోత్సహిస్తున్నారు. ఇప్పటికి ఈ సంస్థలో 15 షార్ట్ ఫిలిమ్స్ నిర్మించారు.
ప్రస్తుతం రాఘవేంద్ర రావు పంచతంత్ర కథలు సినిమా దర్శకుడు శేఖర్‌ గంగమనేనితో ‘సర్కార్‌ నౌకరీ’(Sarkaru Noukari) అనే సినిమాని ఆర్‌కే టెలీ షో పతాకంపై నిర్మిస్తున్నారు. ఇందులో అందరూ కొత్తవారే నటిస్తున్నారు. ఓ మారుమూల పల్లెటూళ్లో జరిగే కథతో ఈ సినిమా రూపొందుతోంది. జూన్ చివరి వారంలో విడుదల చేసేందుకు సన్నాహాలు చేస్తున్నారు. దర్శకేంద్రుడి పుట్టినరోజు సందర్భంగా స్పెషల్ పోస్టర్తో శుభాకాంక్షలు తెలిపింది చిత్రబృందం. సోషల్ మీడియా వేదికగా పలువురు సినీ ప్రముఖులు దర్శకేంద్రుడికి పుట్టినరోజు శుభాకాంక్షలు తెలుపుతున్నారు.
