Karate Kalyani: నేను పేకాట ఆడాను అన్నావు.. ఇప్పుడు నువ్వు డ్ర‌గ్స్‌తో దొరికావ్
Karate Kalyani: బెంగ‌ళూరులో జ‌రిగిన రేవ్ పార్టీలో న‌టి హేమ ఉన్న‌ట్లు పోలీసులు అనుమానాలు వ్య‌క్తం చేసారు. తాను హైద‌రాబాద్‌లోని త‌న ఫాం హౌస్‌లో చిల్ అవుతున్నాన‌ని.. తాను ఏ రేవ్ పార్టీకి వెళ్ల‌లేద‌ని ఆల్రెడీ ఆమె స్ప‌ష్టం చేసారు. దీనిపై న‌టి క‌రాటే క‌ళ్యాణి స్పందించారు. ఓసారి త‌ను త‌న స్నేహితుల‌తో స‌ర‌దాగా పేకాట ఆడుకుంటుంటే.. జూదం ఆడుతూ దొరికిపోయిన క‌ళ్యాణి అని హేమ మీడియా ముందు పెద్ద పెద్ద మాట‌లు మాట్లాడింద‌ని.. ఇప్పుడు ఆమె ఏకంగా ఓ రేవ్ పార్టీలో డ్ర‌గ్స్‌తో ప‌ట్టుబ‌డింద‌ని విమ‌ర్శించారు. ఒక‌ర్ని అనేముందు మ‌న‌మేంటో చూసుకోవాల‌ని.. ఎదుటివారిని కించ‌ప‌రిస్తే క‌ర్మ దాని ప‌ని అదే చేసుకుని పోతుంద‌ని తెలిపారు. పోలీసులు డ్ర‌గ్స్ టెస్ట్ చేసిన‌ప్పుడు హేమ డ్ర‌గ్స్ తీసుకుందో లేదో తెలిసిపోతుంద‌ని.. ఆమె క‌డిగిన ముత్యంలా బ‌య‌టికి రావాల‌ని కోరుకుంటున్నాన‌ని తెలిపారు.