ఉరేసుకున్న మహిళకు సీపీఆర్‌.. ప్రాణాలు కాపాడిన కానిస్టేబుల్!
hyderabad: తెలంగాణ రాష్ట్రం(telangana state) నాగర్ కర్నూల్(nagarkurnool) జిల్లా కేంద్రంలోని రామ్ నగర్ కాలనీ రామకృష్ణ థియేటర్ వెనుక వైపు ఉంటున్న ఓ మహిళ మంగళవారం ఉదయం వేళ ఉరివేసుకుని ఆత్మహత్యాయత్నం చేసింది. ఆమె దాదాపు 20 నిమిషాలపాటు ఉరిపై వేలాడింది. ఈ ఘటనను చూసిన స్థానికులు, కుటుంబ సభ్యులు వెంటనే పోలీసులకు ఫిర్యాదు చేశారు. దీంతో హుటాహుటిన ఓ కానిస్టేబుల్ ఘటనా స్థలానికి చేరుకున్నారు. ఉరికి వేళాడుతున్న మహిళను కిందకు దించారు. ఈక్రమంలో ఆమె కాలు కదపడాన్ని ఆ కానిస్టేబుల్ గమనించారు. వెంటనే సమయస్ఫూర్తితో వ్యవహరించిన ఆయన.. ఆ మహిళకు సీపీఆర్‌(conistable did cpr to hanging woman) చేశారు. దీంతో ఆమె స్పృహలోకి వచ్చింది. ఇక వెంటనే జిల్లా కేంద్రంలో ఉన్న ప్రభుత్వ ఆసుపత్రికి తరలించారు. ప్రస్తుతం ఆమె ఆరోగ్య పరిస్థితి నిలకడగా ఉందని వైద్యులు తెలిపారు. వెంటనే స్పందించి సమయస్ఫూర్తితో సిపిఆర్ చేసి మహిళ ప్రాణాలు కాపాడిన కానిస్టేబుల్ మల్లేష్‌ను స్థానికులు ప్రశంసిస్తున్నారు.
