‘భయాన్ని ఎదుర్కోవాలంటే ధైర్యమే సరైన మార్గం’
కెరీర్ ప్రారంభం నుంచీ వరుస అవకాశాలతో దూసుకుపోతోంది కన్నడ భామ శ్రీలీల. మొదటి సినిమా పెళ్లిసందDతో తెలుగు వారిని మాయచేసిన ఈ భామ యంగ్ హీరోలతోపాటు సీనియర్ హీరోలతోనూ జతకట్టి వచ్చిన అవకాశాల్ని సద్వినియోగం చేసుకుంటుంది. తాజాగా మాస్మహారాజ రవితేజ హీరోగా వచ్చిన ‘ధమాకా’తో బ్లాక్బస్టర్ హిట్ని ఖాతాలో వేసుకున్న శ్రీలీల మంచి ఫామ్లో ఉంది. ఇక, సినిమాలతోపాటు సోషల్ మీడియాలోనూ యాక్టివ్గా ఉండే శ్రీలీల చేసిన ఓ పోస్ట్ నెట్టింట వైరల్గా మారింది. సినిమాలతో బిజీగా ఉంటూనే సోషల్ మీడియాలోనూ యాక్టివ్గా ఉంటూ అభిమానులను పలకరిస్తుంది శ్రీలీల. ఇక, తాజాగా ఇన్స్టాగ్రామ్లో శ్రీలీల చేసిన ఒక పోస్ట్ అందరినీ ఆకర్షిస్తోంది. భయాన్ని ఎదుర్కొంటూ ముందుకు సాగాలనీ, భయాన్ని ఎదుర్కోవడానికి ధైర్యమే సరైనది (Face your fears. Because, Fear is a reaction and Courage is decision) అంటూ పోస్ట్ చేసింది శ్రీలీల. స్ఫూర్తి నింపే ఇలాంటి మాటలు చాలామందిలో ధైర్యాన్ని నింపుతాయంటూ చాలామంది కామెంట్స్ చేస్తున్నారు.
నటసింహం నందమూరి బాలకృష్ణ హీరోగా అనిల్ రావిపూడి ద‌ర్శ‌క‌త్వంలో రూపొందుతోన్న సినిమాలో శ్రీలీల కీల‌క పాత్ర‌లో న‌టిస్తోన్న సంగ‌తి తెలిసిందే. ఈ సినిమాలో శ్రీలీల బాక్స‌ర్ పాత్ర చేస్తోన్న‌ట్లు స‌మాచారం. అందుకోసం బాక్సింగ్ కూడా నేర్చుకుంటోన్న‌ట్లు తెలిసింది. బాలకృష్ణ కూతురిగా అల్ల‌రి మ‌న‌స్త‌త్వంతో పాటు ఆత్మ‌స్థైర్యం క‌ల‌బోసిన డిఫ‌రెంట్ క్యారెక్ట‌ర్‌లో శ్రీలీల క‌నిపించ‌బోతున్న‌ట్లు స‌మాచారం. క‌మ‌ర్షియ‌ల్ యాక్ష‌న్ ఎంట‌ర్‌టైన‌ర్‌గా తెర‌కెక్కుతోన్న ఈ సినిమా షూటింగ్‌లో గ‌త వార‌మే జాయినైంది శ్రీలీల. ఈ సినిమా కోసం ఆమె ముప్పై రోజుల పాటు డేట్స్ కేటాయించిన‌ట్లు చెబుతున్నారు. ఎన్‌బీకే 108 వ‌ర్కింగ్ టైటిల్‌తో రూపొందుతోన్న ఈ సినిమాలో కాజ‌ల్ అగ‌ర్వాల్ హీరోయిన్‌గా న‌టిస్తోంది. శ‌ర‌త్‌కుమార్‌, అర్జున్ రాంపాల్ కీల‌క పాత్ర‌ల్ని పోషిస్తున్నారు. కాగా ప్ర‌స్తుతం మ‌హేష్ – త్రివిక్ర‌మ్ కాంబినేష్లో తెరకెక్కుతున్న సినిమాతో పాటు వైష్ణ‌వ్‌తేజ్‌, నితిన్‌, న‌వీన్ పొలిశెట్టిల‌తో సినిమాలు చేస్తోంది శ్రీలీల. పవర్స్టార్ పవన్ కల్యాణ్, సాయి ధరమ్ తేజ్ ప్రధానపాత్రల్లో తెరకెక్కుతున్న ‘వినోదయా సిత్తం’ రీమేక్లోనూ ఓ పాటలో ఆడిపాడనుంది ఈ కన్నడ బ్యూటీ.
