సమ్మర్ వెకేషన్లో అల్లు అర్జున్.. ఫొటోలు వైరల్!
టాలీవుడ్ పాపులర్ సెలబ్రిటీ కపుల్స్లో ఒకరైన అల్లు అర్జున్, స్నేహారెడ్డి సోషల్ మీడియాలో ఎప్పుడూ యాక్టివ్గా ఉంటారు. బన్నీ తన సినిమాలతో ప్రేక్షకులకు దగ్గరై స్టైలిష్ స్టార్, ఐకాన్ స్టార్గా పాపులర్ అయితే స్నేహ సోషల్ మీడియా ద్వారా పాపులర్ అయ్యారు. ఇద్దరికీ మిలియన్లలో ఫాలోవర్స్ ఉండగా తమ కుటుంబానికి సంబంధించిన విశేషాలు, పండగలు, వెకేషన్స్కు సంబంధించిన ఫొటోలను అభిమానులతో పంచుకుంటారు. సినిమాలు, షూటింగ్లు లేకపోతే కంప్లీట్ ఫ్యామిలీ మ్యాన్‌లా మారిపోతారు ఐకాన్ స్టార్ అల్లు అర్జున్ . కొడుకు అయాన్, కూతురు అర్హతో కలిసి కేరింతలు కొడతారు. అవన్నీ సోషల్ మీడియాలో అభిమానులతో పంచుకుంటారు. ఫ్యామిలీతో టూర్లకు వెళ్తుంటారు. షూటింగ్ మధ్యలో ఏ మాత్రం విరామం దొరికినా ఆ సమయాన్ని కుటుంబానికే కేటాయిస్తారు. ముఖ్యంగా అర్జున్, తన కూతురు అర్హతో చేసే అల్లరి పనులు, చెప్పే కబుర్లు పోస్ట్ చేస్తుంటారు. తాజాగా స్నేహ షేర్ చేసిన ఫోటోలు వైరల్గా మారాయి.
ఇక, తాజాగా బన్ని వెకేషన్లో ఉన్నట్లు తెలుస్తోంది. వెకేషన్కి సంబంధించిన ఫొటోలను స్నేహ తన ఇన్స్టాగ్రామ్లో పోస్ట్ చేశారు. ఈ ఫోటోలను చూస్తుంటే బన్నీ, స్నేహ తమ స్నేహితులతో కలిసి వియత్నాంలో వెకేషన్ ఎంజాయ్ చేస్తున్నట్లు తెలుస్తోంది. పార్టీ మూడ్కి తగినట్లు బ్లాక్ అండ్ బ్లాక్ డ్రెస్సుల్లో మెరిసిపోతున్నారు ఈ సెలబ్రిటీ కపుల్. ప్రస్తుతం బన్ని సుకుమార్ దర్శకత్వంలో రూపొందుతున్న పుష్ప2 సినిమా షూటింగ్తో బిజీగా ఉన్నారు. గతేడాది పాన్ ఇండియా సినిమాగా విడుదలైన ‘పుష్ప ది రైజ్’ సినిమాకి సీక్వెల్గా ఈ సినిమా రూపొందుతుంది. పుష్పరాజ్గా బన్ని పాన్ ఇండియా ప్రేక్షకులను మెప్పించారు.
‘పుష్ప’ సినిమాతో పాన్ఇండియా స్టార్గా మారిన బన్నీ ఈ సినిమా సీక్వెల్ కోసం బాగా కష్టపడుతున్నారు. సుకుమార్ దర్శకత్వంలో వచ్చిన ‘పుష్ప’ సినిమా విడుదలైన ప్రతి చోటా సంచలన విజయాన్ని అందుకుంది. నార్త్, సౌత్ అనే తేడా లేకుండా బ్లాక్సాఫీస్ రికార్డులను బద్దలు కొట్టింది. ప్రస్తుతం ఈ సినిమాకు సంబంధించిన రెండో భాగం ‘పుష్ప2’ తెరకెక్కుతోంది. నేషనల్ క్రష్ రష్మిక మందన్న ఈ సినిమాలో హీరోయిన్ గా నటిస్తోంది. ఇప్పటికే ఈ సినిమాకు సంబంధించిన షూటింగ్ దాదాపు పూర్తి కావొచ్చింది. ఈ సినిమా ఈ ఏడాది చివరలో విడుదలయ్యేందుకు సిద్ధం అవుతోంది. పుష్ప2 తర్వాత అర్జున్ రెడ్డి సినిమా డైరెక్టర్ సందీప్ వంగాతో సినిమా చేసేందుకు రెడీ అవుతున్నారు బన్నీ. ఈ సినిమాకు సంబంధించిన అధికారిక ప్రకటన ఇటీవలే విడుదలైంది. అల్లు అర్జున్ కూతురు అర్హ కూడా గుణ శేఖర్ దర్శకత్వంలో సమంత ప్రధాన పాత్రలో తెరకెక్కిన శాకుంతలం సినిమాతో వెండితెరకు పరిచయం కానుంది. ఈ సినిమా ఏప్రిల్ 14న ప్రపంచవ్యాప్తంగా విడుదల కానుంది.
