Virupaksha: టీమ్కి యంగ్ హీరో స్పెషల్ పార్టీ!
Hyderabad: మెగా హీరో సాయి ధరమ్ తేజ్(Sai Dharam Tej), మలయాళ బ్యూటీ సంయుక్తా మీనన్(Samyuktha Menon) జంటగా నటించిన చిత్రం విరూపాక్ష. ఏప్రిల్ 21న విడుదలైన ఈ సినిమా అంచనాలను మించి భారీ విజయం సాధించింది. ప్రస్తుతం సాయిధరమ్ తేజ్ విరూపాక్ష సినిమా సూపర్ సక్సెస్ ని ఎంజాయ్ చేస్తున్నారు. ఈ సినిమా విజయంతో దర్శకుడు కార్తీక్ దండు(Karthik Dandu) ఇండస్ట్రీలో టాక్ ఆఫ్ ది టౌన్ గా మారారు. కార్తీక్ ప్రతిభకు ప్రశంసలు దక్కుతున్నాయి. ఒక మిస్టరీ సస్పెన్స్ మిక్స్ చేసిన చిత్రంతో ఆడియన్స్ కట్టిపడేసేలా విరూపాక్ష చిత్రాన్ని తీర్చిదిద్దారు. క్రియేటివ్ డైరెక్టర్ సుకుమార్(Sukumar) అందించిన కథ, స్క్రీన్ప్లే ఈ సినిమాకి చాలా ప్లస్ అయ్యాయి.
ఇక, తాజాగా టాలీవుడ్ యంగ్ హీరో సిద్దు జొన్నలగడ్డ(Siddu Jonnalagadda) విరూపాక్ష టీంని సర్ప్రైజ్ చేశారు. విరూపాక్ష టీమ్ మొత్తానికి గ్రాండ్ పార్టీ ఇచ్చినట్లు తెలుస్తోంది. హీరో సాయిధరమ్ తేజ్, సంయుక్త మీనన్, కార్తీక్ దండు లకు డీజే టిల్లు హీరో డిన్నర్ పార్టీ ఇచ్చిన ఫొటోని హీరోయిన్ సంయుక్త మీనన్ సోషల్ మీడియాలో పోస్ట్ చేసింది. ప్రస్తుతం ఈ ఫొటో సోషల్ మీడియాలో వైరల్గా మారింది.
విరూపాక్ష చిత్రం ఘన విజయం సాధించిన సందర్భంగా టీంకి నా శుభాకాంక్షలు.. పాన్ ఇండియా రిలీజ్ కి కూడా ఆల్ ది బెస్ట్ అని సిద్దు జొన్నలగడ్డ సోషల్ మీడియా వేదికగా ప్రశంసలు కురిపించారు. డీజే టిల్లుతో సూపర్ సక్సెస్ అందుకున్న సిద్దు జొన్నలగడ్డ ప్రస్తుతం ఆ సినిమా సీక్వెల్గా తెరకెక్కుతున్న టిల్లు స్క్వేర్(Tillu2) చిత్రంలో నటిస్తున్న సంగతి తెలిసిందే. ఈ సినిమాలో అనుపమా పరమేశ్వరన్(Anupama Parameshwaran) టిల్లుకి జోడీగా నటిస్తోంది.
