Virupaksha: మెగా హీరో సినిమాలో ఎన్టీఆర్!
Hyderabad: సుప్రీమ్ హీరో సాయి ధరమ్ తేజ్(Sai Dharam Tej) చేసిన మొదటి పాన్ ఇండియా చిత్రం ‘విరూపాక్ష(Virupaksha)’. ఈ నెల 21 వ తేదీన ప్రపంచవ్యాప్తంగా ఘనంగా విడుదల కానున్న సంగతి తెలిసిందే. ఇప్పటికే ఈ సినిమాకి సంబంధించిన టీజర్, ట్రైలర్ ప్రేక్షకులను ఎంతగానో ఆకట్టుకున్నాయి. క్రియేటివ్ డైరెక్టర్ సుకుమార్(Sukumar) శిష్యుడు కార్తీక్ దండు(Karthik Dandu) ఈ చిత్రాన్ని తెరకెక్కించారు. మలయాళ బ్యూటీ సంయుక్త మీనన్ హీరోయిన్గా నటిస్తున్న ఈ సినిమాలో అభిమానులకు ఊహించని సర్ప్రైజ్ ఉండబోతుందని తెలుస్తోంది.
ప్రమాదం తర్వాత కోలుకుని సాయి ధరమ్ నటించిన ఈ చిత్రం గ్లిమ్స్ వీడియో కి జూనియర్ ఎన్టీఆర్ వాయిస్ ఓవర్ ఇచ్చిన సంగతి తెలిసిందే. తారక్ వాయిస్తో ఈ గ్లిమ్స్ వీడియో ప్రేక్షకులకు బాగా రీచ్ అయ్యింది.ఇప్పుడు సినిమాలో కూడా ఎన్టీఆర్ వాయిస్ ఓవర్ ఉండబోతుందని తెలుస్తోంది. సినిమాలోని గ్రామం కథ ఎన్టీఆర్ వాయిస్ తో ప్రారంభం అవుతుందట. అయితే తెలుగు ప్రేక్షకులకు సర్ప్రైజ్ ఇవ్వడానికే ఈ విషయాన్ని ఇప్పటివరకు బయటకు రాకుండా దాచింది చిత్రబృందం అని తెలుస్తోంది. నిజంగా తారక్ వాయిస్ ఓవర్తో ఈ సినిమా కొనసాగితే అటు మెగా అభిమానులతోపాటు ఇటు నందమూరి అభిమానులకూ పండగే!
